Miss H's Blog: April 2010

Friday, April 30, 2010

星期六買的Liz Lisa

其實上星期六只係打算去liz lisa門口望望, 冇打算買野架,
點知見到我係官網一見到就好想要果條裙, 因為結以著得又好好睇,
個款又特別. 真係超靚, 見到一定會試下. 我試左2隻色, 就係粉紅同綠色,
本身我係鐘意綠色既, 因為似小魚仙feel, 但係我著起, 隻色硬係唔襯我, 好怪咁,
於是試埋粉紅色, 真係好奇怪. 粉紅色著起明顯係好睇好多囉. 真係唔到你唔信,
好鬼邪....XDDDD

之後試左呢件. 其實之前都冇乜點睇中呢件, 只係覺得個花望落去好舒服,
就順手拎埋去試啦. 都冇乜特別希望, 點知呢條裙都幾貼身, 唔係娃娃款,
著起唔肥我鐘意. 咁就要左呢條啦.

又送左個購物袋, 今次要粉藍色. 果日係cwb sogo....見到得返好少咋....

好搞笑, 今次係第二次係cwb sogo俾人當我係店員. 囧.
佢又同我講, "ei...唔該我想....." 點知見到我拎住手袋, 個女仔自己係度笑....唉.....
我個頭都冇紮一舊野, 邊似店員. 哈!! 仲有好搞笑, 我睇緊衫果陣,
門口有一男一女, 個女仔同個男仔講, "呢d好靚呀, 但係條裙咁短, 我媽咪唔俾我著...."
我以為佢好細個, 望一望, 廿幾歲的.....(笑)...

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512

Thursday, April 29, 2010

PJ Special

買左本peach john catalogue. 個盒係吉川日奈啊....peach john既items真係好fancy.
好鐘意呢.....

本書既封面都係吉川日奈, 一個黑, 一個白...哈!!

入面竟然有我喜愛既Rola...... wow!!!!!! 太開心了..

送既袋, 有d似佢地個紙袋咁...

岩岩好放到部netbook! 正!!

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

Tuesday, April 27, 2010

DKNY Fresh Blossom EDP Edition

上星期係dkny個counter度試過呢隻櫻花味香水. 其實我都係最近先喜歡櫻花味既香水,
話說, 有一日係美麗華liz lisa度, 店員個身香噴噴, 我忍唔住問佢地隻香水係咩牌子,
因為真係超級香!! 店員就拎左支l'occitane既香水俾我睇, 係櫻花味的. 真係超香.
之後我l'occitane度搵, 冇哂啦, 原來話係限量版黎既. 極之唔開心.
上去l'occitane個網, 又話唔寄去HK, 勁灰!! 上星期六去試candy apple. 之後見到呢隻.
聞落去勁似l'occitane果隻味囉. 但話要6百幾蚊, 所以冇買. 琴日忍唔住去Sasa睇.
見到一隻普通樽同埋特別版, 兩隻聞好似差唔多咁. 但因為個樽既關係,
我買左呢隻特別版.

個盒好靚呀, 入面個樽仲靚, 粉紅色, 個身仲有粉紅色波點, 超可愛囉!!

之後買左支mascara, 因為用緊果支好似乾乾地, 我買左呢隻, 個頭好得意.
好似幾粒棉花咁. 但佢係擦黎既. 不過效果對我黎講唔係太好. 下眼睫毛就ok,
明顯見到增長左但上眼睫毛就唔明顯, 要來回擦好多次先見到少少效果.
睇黎我又要再買過支啦.

去到收銀處個店員又介紹d唔知乜野野俾我, 唉, 好煩, 次次都有sell野但唔買就黑面.
今次介紹既係落裝紙巾喎! 咩一抹就好乾淨, 有冇咁神奇呀! 11蚊有2包, 即管買黎試下

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

Monday, April 26, 2010

今week購的liz lisa

而家已經係半夜3點鐘, 但係我仲未訓, 因為今日放假我實在訓得太多喇.

其實而家都有少少眼訓, 打埋呢篇blog我應該只有4個鐘訓覺. 哈哈哈!!

今week有少少瘋狂, 一星期7日入面, 有3日都有去liz lisa. cwb sogo, tst sogo同埋美麗華都有去,

都有係3間入面買過野. 超癲!!! 有d店員已經認得我了. 哈哈哈~~
真係有d想搵日去下一田果間... 係得呢間未去過.

好啦, 講返今個week買左d乜啦, 首先係對鞋. 之前第一眼見到已經覺我好靚.
但係覺得佢好高. 著左唔知點行. 次次見到都有拎黎睇, 之後見到有blog友買左,
真係好恨呀!! 結果我再去睇. 到我想買果陣得返一隻色, 其實呢隻色都ok好睇.
今年又興牛仔. 深色又可以突出朵花花, 於是買左lu.

試果陣覺得佢唔係好高, 因為鞋頭較圓, 著起舒服過對蝴蝶boots,

但係到著出街果陣, 又真係好似高左d. 不過慢慢行都ok既, 但係最怕著高爭鞋行磚地.
d人鋪地磚鋪到凹凹凸凸咁. 要好小心行, 唔係會拗柴, 我個人鐘意行石屎路多d.....
唔會咁多凸起.

鞋入面, 都係牛仔布黎架.

過多兩日, 又去左liz lisa啦, 呢次買既野, 都係我次次去都會睇既野.
首先係條紅色格仔裙褲. 我真係對呢隻布, 呢個花, 紅色款, 非常喜愛. 真係好鐘意,
早前買左件恤衫又係呢隻布. 但又真係好鐘意呢條裙褲, 睇左好多次,
最尾都係忍唔到手買埋.....

條腰帶可以拆出黎既, 可以做領巾又得, 做頭帶又得, 其實我覺得好似model們係頭頂打個蝴蝶結會好好睇, 不過係香港地如果咁既打扮, 一定會俾人勁望當我傻婆囉....=.=

跟住落黎就係呢個藤籃, 我真係對藤籃好情有獨鐘. 覺得佢好natural, 好清新自然既感覺.
之前我買有鏈果個果陣已經有留意呢個袋. 覺得好靚. 但諗諗下買2個又好似多過頭,
加上果陣等緊果個花籃出, 點知到而家都未有. 唉!!! 呢個袋, 其實本身我鐘意白色.
因為我鐘意淺色, 加上我d衫大多數都係淺色. 不過有一個憂慮! 就係因為我手汗都幾多下,
特別係夏天. 我真係唔敢想像如果我用白色, 個手挽位置會變成點喇! 一定會變黃變啡,
一定好肉酸. 所以次次去都只好拎黎睇下, 就放返底. 但後來諗諗下,
如果我買啡色咪唔會有呢個問題囉? 加上有問過朋友意見, 佢都話啡色靚,
結果我拎黎對鏡拼一下, 又覺得自己拎呢隻色都ok喎! 於是就買左喇.

而家買滿一千蚊就送一個購物袋, 有粉藍同粉紅. 我緊係撰粉紅啦. 哈哈哈!!
但呢個袋冇乜實質作用. 因為用又驚整爛喎! 咁就放係度欣賞下啦~~~ 哈哈哈!!

好啦, 今次分享到呢度, 我會盡快update個blog, 我update實在太慢喇.
係岩岩個星期六我都有買到野, 買到係官網見到好喜愛既裙. 超開心. 呵呵呵~~~

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

Thursday, April 22, 2010

琴晚又去左liz lisa

琴晚又去左liz lisa了, 本來睇完走左, 點知又走返轉頭. 唉真係黑人憎.
琴日試左呢條裙. 之前見佢掛出黎覺得個cutting好可愛. 琴日終於試左.
覺我著起都幾得意. 哈哈!! 個身唔係太肥, 但係隻手臂位又好似好肥咁.
哈哈哈!! 但係我又好多花裙, 都係諗下先啦. 因為我睇中左結以著果條綠色裙呀.
呢兩個星期佢地反貨都唔多. 下星期可以唔去住啦. 哈哈哈

琴晚買左條裙同埋個袋. 呢條裙同個袋, 每次去我都拎黎睇, 證明左我真係好鐘意,
所以帶左佢返屋企lu. 遲d post出黎俾大家睇.

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

Monday, April 19, 2010

上一篇BLOG既FITTING

呢條花花裙真係好靚呢. 配左腰帶有另一種感覺...就係瘦D呀. 哈哈哈...!!

下面呢條其實真係幾靚. 但一直都冇打算買, 好快就見佢賣淨得藍色.
估唔到$890冇折都可以咁搶手!!! 但我鐘意既係白色. 所以冇買囉... >__<

下面呢件白色, 係官網見到model著好靚. 但到我試上身, 太緊了. 我真係好肥,
著到成件衫好肉酸, 變哂型咁. 隔離果件就係結以著過果件啦. 顏色好soft好靚,
因為腰有橡根. 著起上黎, 係側面睇成個波咁. 哈哈哈哈!! 所以冇要到....

下面呢件就係我買左果件啦. 腰間冇橡根, 著起唔似個波!!
反面覺得有少少mori girl feel!! 但係又覺得似印第安喎!!!
下次會係頭上加條羽毛試下. 哈哈!! 我之前未著過呢類衫架.
我既第一次就俾左liz lisa啦. 哈哈哈!!!

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

Sunday, April 18, 2010

上月買的LIZ LISA

上個月買左既LIZ LISA都未POST添...嘿嘿..

上個月突然想買一D好牛仔田園風既雪紡衫. 以前一向覺得雪紡會著到變肥師奶,
加上自己唔係瘦底既人, 係周身肉既. 真係好蝦人買衫. 見到catalogue有個model,
就然唔係瘦猛猛既, 有d肉, 佢著起都幾好睇喎! 於是我就去試喇.

最尾我買左呢件. 著上去完住唔覺得肥, 超開心. 蝙蝠袖+娃娃裝,
唔知點解覺得好似印第女人feel, 好得意. 同埋著起好涼爽呀!
廿幾度著都唔會覺得熱. 不過我試過一次著出街, 個膊頭成日都跌左一邊落黎,
個領位好大啊~~ 點解d model咁瘦著起冇跌, 但我咁多肉撐住都會跌????
其實係咪d model係影相一刻唔跌?? 哈哈哈哈哈!!