Sunday, May 30, 2010

Anna Sui魔幻娃娃套裝

係SOGO買左呢隻魔幻娃娃套裝, 一set有5件.


 有眼影同胭脂, 眼影我撰左黑色, 有閃粉既, 胭脂就係鮮粉紅, 但係脂胭既色唔出.


 有支得2/3滿既洗甲水, 我唔知佢係咪支支都係唔滿定蒸發左, 我覺得好搵笨.
支野唔滿. 仲有一支搽手既cream....


 指甲油冇乜色可以撰, 就撰左呢支....





我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
 

Saturday, May 29, 2010

islander花裙

琴晚放工我又去左sogo啦, 一去到去睇鞋, 又係多人到死, 款款都差唔多冇乜心機睇,
而家做7折我估遲d可能3百幾就有一對仲平過7折... 之後上左去見到dkny有set香水,
青蘋果同茉莉花味做promote $490兩支, 所以我買左一set啦, 發覺越黎越鐘意dkny既香水.

之後上去睇liz lisa, 有舊年我買果條水彩好夢幻果條裙做半價囉, 又心痛ing.
唉...見到有個新出既手袋, 透明膠, 入面係碎花, 幾可愛既, 但冇諗過買,
一黎個袋又係小手袋類, 二黎我真係太多袋都用唔切. 我見到而家又有粉紅色花藍喎!
之前又話冇左, 哈哈! 見到有幾條新既裙, 但一睇個款都知我著唔到好睇果d,
所以睇兩睇就走左. 不過真係唔見一田買到結以果條裙喎!
同埋又真係唔見一田店員話490top果件喎!!

其間有行唔同既店, 但真係太多人, d人睇衫係搶住黎睇, 係咁抓d衫, 好恐怖. 冇心機,
d人太恐怖, 上去睇床單, 我d床單好多都好舊. 諗住趁減價買多套. 我target係hello kitty,
但本身有hello kitty, 同埋果款好似冇乜點減, 反而另一d公仔有減得勁. 結果我撰左肉桂狗,
個色好可愛. 橙橙地咁. 買左床單枕袋+被袋, 配埋被芯, 其實舊年都想買被芯但幾百蚊唔捨得, 今次太好了, 百幾蚊就有, 仲有碎花款好靚呢. 仲送左兩對絲襪喎! 不過送左俾阿媽了...


行過d又見到有衫埋, 見到條粉紅色花裙好靚, 好多lace. 都係85蚊, 牌子係islander,
唔知係乜牌(恕我見識少) 不過條裙咁平都好抵玩呀...


 加liz lisa belt先....


 加另一條, 好似呢條襯得好睇d咁......


最尾去左超級市場, 超多人, 排隊都好長龍, 但好快就排到, 買左盒壽司, 但舊飯唔好食,
唔知係咪多人買, 佢地要出多d, 但係又趕住去做壽司, 舊飯做得好差, 一拎成舊飯散哂.....


 今日我戴左兔仔耳出街啦. 係度奉勸膽小者真係唔好戴出街, 因為真係超多人望.
我已經冇整起隻耳仔. 都俾人望到........ 勁多人迎面遠處行過黎, 隻眼一路望你,
望到同你刷身而過. 有d人直頭企係度睇, 有人望住你mark大左個口, 好誇張.
俾人望到好似自己係有問題咁. 但一去到銅鑼灣就冇人望lu~~


我琴晚係銅鑼灣見到有個靚女住著條吊帶超短貼身連身豹紋既裙. 點知有2個o靚仔,
好賤格, 十幾歲應該讀緊書果d. 屈左支牙簽, 掟向呢個女仔度, 掟唔中, 兩個係度笑,
之後佢地行快d上前睇下個女仔係乜野樣. 我估個女仔知有人望佢, 但佢就望下後面,
點知我見到呢兩個人又想搵野掟人!! 我覺得而家d人好不知所謂, 人地著乜鬼關你鬼事,
做乜野要搵野掟人.

同埋有d人好黑人憎, 會話: "著到咁緊係想俾人睇啦!! 唔係做乜著成咁" 我想講,
著得靚係for自己, 唔係著俾人睇囉. 係著俾自己睇. 我著成咁我覺得自己好靚喎.......
得罪講句, d人著夏天花裙都要著條黑色leggings係入面, 佢地覺得咁著好靚, 又有乜問題先!!!
同一道理.....




我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
 

Friday, May 28, 2010

一田LIZ LISA



今日一田開始大減價, 放左工竟然拿拿聲去左沙田, 原來由公司去沙田好快,
搭火車唔洗5蚊就去到. 時代的進步啊! 十年都冇去一次沙田, 去到人生路不熟.
好似大鄉里咁一路行一路周圍望. 好彩一早睇定地圖點樣行去一田, 所以都好快行到去了.

估唔到咁夜都仲咁多人喎! 真係超多人!! 同sogo有得揮!!
一去到就去liz lisa, 超易搵, 一落電梯就見到了. 我去到果陣冇人的,
之後越黎越多人入去睇. 一入去就見到結以著過果條裙, 我係sogo同美麗華都仲未見到有...
佢竟然做緊$690 好吸引..


行左一個圈鎖定目標, 拎左好多件入去試, 點知個更衣室有個超大的箱, 窄到丫.
試試下又有店員係出面問O唔OK, 其實我好怕佢地咁問, 我覺得好似係自己試得耐阻住人咁,
咁又係既, 我試左上身都仲要左照右照, 覺得真係著得好睇先買, 可能自己試耐左都唔知.
 
Tralala都有折! 但覺得真係唔岩我喇, 太細路女又多格仔pattern, 我人肥最忌著格仔,
會更加肥. >.< 同埋冇理由一個熟女都仲著. liz lisa對我黎講已經係極限了......
(依? 果次去澳門好似買左條tralala格仔one piece.....即刻要掌咀...)

佢都放左好多09items出黎, 我覺得09items多款過2間sogo! 同埋你地真係講得岩,
尋寶的話一田真係最好, 好多2間sogo賣哂既野, 佢都仲有喎!!!
同埋我搵到一樣野係出面3間專門店都冇既野. 呵呵~~ 係就係貴左少少, 但難得見到有..
不過我以為佢地咁大會有埋玻璃杯, 點知冇, 咁即係得美麗華先有啦...

今日去到真係冇花花鏡, 冇show出黎, 真係一減價就唔會有野送....哈哈哈!!

打算會去多轉sogo, 但未必會買野了. 因為真係太多, 會唔買幾個月等佢轉季大減價先再買,
而家淨係liz lisa既話都夠我個幾兩個月日日唔同款. 太誇張, 係時候收一收手.
等我可以有時間快d upload俾大家睇.




我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
 

Wednesday, May 26, 2010

我是一隻小白兔

今季見到日本好多女仔個個頭上都有隻白兔耳仔, 勁可愛!!! 但自己唔識綁,
同埋未搵到岩心水, 官網見到有, 但專門店又唔見....琴日放工去mukai睇,
見到有白兔耳仔頭cool, 勁開心即刻買左2個....呵呵..




一個粉紅同一個粉藍, 已經夠襯衫了...
一早有心理準備如果帶呢2個頭cool出街一定俾人勁望囉....
冇錯, 我係一隻白兔仔, 呵呵, 不過d人要當我係怪獸就由佢啦. 哈哈哈!!
 
黎2張試戴圖先, 係正常普通既...好似冇乜特別咁...
(但預左咁出街都有人望, d人真out!)


下面呢兩張, 就係跟D日本model咁戴...呵呵...2個完全唔同feel!!
不過講真, 真係唔多會咁樣出街..... 驚...俾人指住笑...(港人心態係鐘意咁)
可能去廸士尼玩先會豎起隻耳仔lu~






我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
 

Tuesday, May 25, 2010

第一次GEL甲

早兩個星期我決定去GEL甲, 真係冇乜心機打理D指甲. 連搽甲油都懶,
因為好易摑甩, 一個星期又要洗左佢再油過, 油完又要等佢乾超煩!!
所以都係去整GEL甲, 唔洗煩.
 
其實以前整過水晶甲, 今次GEL甲係第一次, 呢間都幾襟......
到而家都冇甩冇花冇崩. 第一次整就整普通D, 漸變粉紅色加閃粉. 做埋延長.
整左方形甲, 因為我唔鐘意圓形甲..




整左真係靚D同最緊要唔洗煩. 不過就真係幾唔方便,
因為D甲厚左. 加上整長左D變左唔係自己真甲, 就好似抓痕咁... 唔係好舒服.
哈哈哈哈哈....XDDD




我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
 

Monday, May 24, 2010

長裙實物圖

真係更新得太慢, 上次話叫大家估我都仲未開估....
post埋呢個blog, 下個就開估, 我要快d先得, 有好多野想post俾大家睇...

長裙既實物, 真係幾鐘意個花, 加上結以著過更鐘意. 好想要多條長裙,
可惜今日感謝日開始第一時間去睇, 但冇睇岩.....


 碎花背心仔, 好鐘意個款, 我細個都著好多呢類既衫,
估唔到大個左之後都仲係咁喜歡...呵呵呵~~


 碎花裙, 柔和碎花特別鐘意, 今日俾我見到有一條同呢款差唔多. 但仲多條lace邊...
好似仲靚d咁....又好想要.... v__v


 呢個就係之前買$2000果個袋, 到而家都仲未用過. 呵呵~~
收起左塊毛毛布先發覺個袋未影, 又唔想整返出黎, 下面係我張床單....XDDDD





我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
 

唔開心就要shopping

琴日發生左d事, 好唔開心. 雖然唔係得我一個有呢d事發生, 但都好唔開心.
好失望, 失落, 心淡. 唉!!! 最尾諗下方法令自己開心, 就係去shopping囉.
去shopping我好似得一個地方. 哈哈~~~ 搞搞下發現好似只有liz lisa既衫岩我心水咁.
結果琴晚放工去左tst liz lisa度睇.

其實我主要想試一條裙, 係官網睇中左, 超靚!!! 好可愛. 襯住個樣未叫好老,
青春埋佢啦, 唔係到40歲先著會嘔電. 其實呢條裙3隻色都靚. 唔知要邊隻色好.
埋鏡拼, 好似白色同粉紅色靚d, 但黃色又特別. 店員話白色隻色易著d, 個色清d.
最尾膽粗粗拎哂3隻色入去試. 嘿嘿!! 粉紅色好sweet, 白色...好似普通左d.
黃色, 特別, 我冇黃色.


好啦, 你地估下, 最尾我撰左邊隻色???? 哈哈哈哈哈哈!!!!!!!!!!! 唔開估住...
 
琴日先係官網見到有新手袋出左圖. 估唔到琴晚就見到. 之前買開既liz lisa手袋都係偏細,
放唔得多野, 想買個大d. 但大個d上膊果d又真係冇乜咁特別, 好似唔夠小手袋果種精緻.
琴日見到呢個袋. 有鈄咩同埋上膊, 其實個袋既大細係差唔多. 大個都係大少少.
不過得返粉紅同啡, 其實我想要啡, 易襯衫. 因為我太多粉紅同白既衫, 再粉紅既就會太多了.
同埋我咩過上身粉紅唔係咁好睇, 啡色好好多. 好啦, 你地又估下我買左邊隻色?? 嘿嘿.....


本來係官網見到呢個袋, 興趣不大. 但點知見到實物, 真係眼前一亮,
可能果度有射燈既關係, 照落個袋度閃令令. 超級靚. 店員將條帶整短左.
掛左係個公仔上面膊頭度, 我覺得咁樣咩好靚呀. 最尾又忍唔到手買左,
我買隻色得一個...你地又估下我要左乜野色?


答案下編blog公怖. 哈哈哈哈哈...死啦我仲有長裙未post....

呢幾日sogo liz lisa買1000減100, 買2000減200咁,
因為佢地有本sogo既magazine上面有coupon呀! 好似至到5月16.
同埋而家買2000都會送果個粉紅色lace袋, 不過要注意既係,
如果用呢d coupon既話, 就唔會有袋送架喇....




我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
 

Sunday, May 23, 2010

雪糕裙

貼返黃色裙試物先, 唔知點解叫佢做雪糕裙, 但個花感覺好似雪糕咁.
但係其實係玫瑰花..... 好少可3隻色我都勁鐘意.....






到而家呢一刻都仲係好鐘意粉紅色呢件......諗緊好唔好襯thankful week敗埋佢...




我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512