緊接住就係7月份theztyle既gathering Oral B向上刷向下刷雷會, 係我第一次參加雷會呀!!!
第一次見到咁多唔識既sis有d驚, 但呢個活動可以帶一個朋友, 可以壯下膽, 冇咁驚呢.
地點係炮台山wooden table, 地點好方便, 一d都唔難搵. 我仲幾鐘意個環境添,
好簡單, 好舒服既感覺.
早左10分鐘去到, 見到已經有好多sis到左lu, 所以要坐比較後既位置.
台面上仲有一支牙刷, 即刻拎黎睇下呢.
到場先去點名, 多謝坐近門口位既sis既指引, 我地成功行去前面舊換新,
用舊牙刷換左支新既牙刷啦.
大會既環境好舒適! 仲有waiter走黎問我飲乜添. 原來係有飲品,
可以一路雷會, 一路飲野, 好正呀!!!
雷會開始了. 靚靚大佬B係今次既host, 正如好多sis講, 大佬B真係好靚女呢!
不過坐得太後, 離個screen好遠呢....由於坐得太後, 都聽唔到兩位講者講乜野.
可能佢地支mic又聲細, 我地全張台既人都聽得好辛苦!! 聽唔到講乜,
我就拎支牙刷黎睇下先. 依? d刷毛咁得意既!?!? 第一次見呢d牙刷, d毛係交叉咁樣,
兩邊既唔係毛, 係軟膠!!
牙刷既大特寫, 嘿嘿嘿!! 唔講唔知, 原來佢係第一支能夠清除難刷部位既牙菌膜高達99%架!!
好厲害呢! 一般手動牙刷係無法徹底清除牙菌膜, 但係呢支係一支全方位多動向牙刷,
交叉刷毛, 令牙菌膜無處可逃!!
講者介紹完支牙刷同埋護齒方法, 就介紹點樣可以知道自己既牙齒表面有幾多牙菌膜,
大會仲邀請左2位靚靚sis做測試. 就係將呢d紅色液體, 搽係牙齒上面, 就會見到架啦.
大會仲每人派左一支呢d紅色液體, 不過我唔夠膽試, 好似好恐怖咁, 哈哈~~
跟住落黎, 係問答有獎遊戲. 大家都非常擁躍搶答問題. 因為我聽唔到之前講者講既野,
都冇乜心機去搶答. 但都有聽佢地問乜野問題. 咁就拎住手上既catalogue一路聽問題,
又一齊舉手搶答. 哈哈哈!! 有5條問題, 但係題題都係叫前面既sis答,
大佬B仲叫我地後面既可以舉手搶答. 但題題都係叫前面,
我地後面既人開始有少少鼓譟點解唔叫後面架, 我地個個有舉手喎. 哈哈哈哈哈!!
結果到最尾果題. 由問問題到搶答果陣我一直都舉住手冇放底(好低能..哈哈)
最尾真係撰左我答呀. 哈哈哈!! 答中了. 有個禮物包, 好開心呢. 入面有牙膏牙線同漱口水.
到最尾, 咁多位beauty blogger黎張大合照先... 不過張相好懞呀...
大會準備左好多美味既點心同甜品. 真係好好味呢, 不過我唔食得多,
因為減肥囉, 唔想食太多. 如果係以前既我, 一定會勁食呀!!!
睇返好多sis既blog, 原來之後仲有抽獎喎! 我同朋友都以為已經完左, 食完就走左了.
唉呀....唔制呀~~~~~~ >____<
我的Wardrobe Diary
都會在我的fanpage上發放.
我的Blogspot
我的微博
http://weibo.com/misshxlizlisa
我的DIY手作專頁 - Babydoll Handmade
http://www.facebook.com/BabydollHandmade
我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
