剛剛去完韓國旅行.
今次同屋企人JOIN左康泰5天團.
其實成個團, 當地導遊(LINDA)同埋負責影相個導遊(DANNY)都OK.
唯獨是康泰領隊(任先生阿君)十分唔掂!!!
又話自己係80後, 會同團友傾得埋. 佢全程都係雙手插袋.
除左同其中一位3歲半既小團友玩之外. 同其他團友可謂零交流!!
第一晚食BBQ, 明明舊肉都未熟, 又幫我地夾左出黎.
我地話未得架, 要燒耐少少, 因為舊肉仲係白雪雪咁.
佢就話唔好燒咁燶, 會硬喎! 而家你食咩? 搞人地果D野做乜.
到第二日, 去做DIY芝士. 果度D "阿豬媽" 叫我地D牛奶滾左先好加水.
明明D奶未滾, 佢就扮哂野走黎叫我地加水!!
我話未滾架喎!!!! 我細佬就話領隊話加就加啦~~
結果我地煲野衰左啦!! "阿豬媽" 成煲拎走左...
我地睇住人地玩, 我地就坐係度唔知做乜..
"阿豬媽"幫我地煲野補鑊!!
之後LINDA拍一拍我細佬話, "頭先未滾未可以加架"
於是我細佬就指住任先生話係佢話加架囉!!!!
之後食晏晝飯, 任先生又有傑作了. 人地D小食紫菜,
佢幫其中一家人既紫菜放埋入火鍋入面! 俾LINDA見到.
LINDA即刻話佢, "唉呀! 呢D紫菜唔係咁食架!!!!!"
我好懷疑佢有冇帶韓國團既經驗!!!!!
到第三晚, 轉酒店. 我唔知佢點樣去分配房間.
我同我細佬獲分房間422, 我媽同老豆就428!!!! 但領隊房間係429???? WTF!!!!!
本來都算. 點知我同細佬行去422房謂, 係行好遠, 仲要唔係同428同一通道.
422仲要係轉哂彎, 已經間酒店仲係黑沉沉, 10個燈泡只開4個!!
陰深到暈!!! 當我望過另一邊, 陰灰既顏色, 果個位仲要放左張白色既凳同埋枱!!
超得人驚, 我好個心好唔舒服. 咁鬼恐怖, 我即刻同細佬講唔要呢間房.
一黎要我地同父母分咁遠我已經唔鐘意, 仲要俾間咁陰深既房我!!!
於是我同細佬拉返D行李出去同個領隊講啦~~
點知佢話, 佢訓429既原因係因為要同細路仔果家人孖房訓喎!!!!
初初佢好似唔肯同我地換房!!!! 係我細佬力迫佢換房佢先肯換!!!
我覺得唔係理由囉!!! 有乜理由要拆散我地屋企人, 方便你去同人孖房先!!!!
加上同行有D一對對既人, 點解唔可以將D位置編好少少先!!!
好啦, 到第四天早上. 我媽打過黎我地房間話佢地果邊個馬桶塞左.
咁落到LOBBY集合果陣. 我老豆見到個領隊任先生係度, 咁緊係走去同佢講一聲啦.
點知任先生竟然可以叫我老豆自己同當地導遊LINDA講!!
有冇搞錯呀!! 咁都得, 呢個領隊真係勁廢!!!
仲有喎! 呢個領隊全程雙手插袋, 又唔出聲. 一係又自己行左去.
好似去食飯, 行到去果度都唔知上面定下面, 佢又唔出聲話行邊, 鬼知咩~
食完飯, 佢就自己拖住人地個3歲半小團友一支箭行左去.
我地岩岩食完飯上黎果D人, 都唔知要去行邊度!!! 出句聲對佢黎講好似仲慘過叫佢去死咁!!!
最尾一日, 到佢黎收領隊小費果陣, 我先知道原來佢唔係啞既!!!
佢有做過D乜呀??? 全程一句聲都唔出, 雙手插袋, 都冇話幫下D家庭一家人合照.
收小費果陣就識得出聲喎!! 仲叫人手鬆D可以俾多少少佢喎!
好心佢慳D啦~~ 衰在佢仲要講句: "帶呢團真係好舒服, 唔洗點講野!"
真係佢仲好意思講喎!! 係佢自己唔出聲咋...
我都未試過跟團D領隊係全程雙手插袋粒聲唔出囉!!!!
到返到黎HK, 落機果下, 佢又唔係企係出面點齊人落機先行.
佢係完全冇理過所有團友, 佢一個人一支箭咁去過關, 去拎行李.
當我地去到拎行李個位度, 已經見佢拎左自己個行李喇!!!
通常D領隊係會睇住哂有團友, 齊人, 拎齊野未, 有冇唔見野, 最尾走果個先係領隊..
呢個領隊唔係囉, 佢話知團友到齊未, 拎齊野未丫, 佢一支箭閃左喇!!!!
同行有D團友仲等緊行李囉!! 我媽見到佢一路講住電話, 一路急急腳走左呀!!!
都唔知有冇搞錯架呢個領隊!!! 差成咁!!! 仲話叫我地問空姐拎定D FORM俾佢.
咁下次帶團就可以方便佢填左先, 我地拎左都撕爛哂都唔俾佢呀!!!
果份意見書, 佢仲夠膽叫我地填好少少, 方便佢升職加薪. 唔係呱, 佢咁既工作態度仲想加人工?
會唔會諗多左呀?!?!?! 呢D害群之馬唔應該留係度囉~~
份意見書當然冇即時填俾佢啦~~~!!!!
容乜易佢見到我地寫佢唔好, 佢掉左佢唔交返去公司架!!!!!