半年一度既sogo thankful week又黎喇~ 好多人既target都係化妝同護膚品.
但係我既target只係放係liz lisa度. sogo又好鬼衰.
到減價開始前一晚先係網頁發放有乜野減價. 但係一早都預左,
$1000減$100, $2000減$400. 仲有d減價, 半價既, 都係舊年季尾買唔去果d.
第一日放工後就拿拿聲去tst sogo睇. 我入去果陣都冇乜人, 唔知點解越黎越多人. 迫死!!
最後等返張咭果陣, 俾人迫左我去paul frank果度, 哼!!! 又好多人試身, 都要等.
我緊係囉多幾件入去試啦. 哈哈哈哈!! tst店員好好, 減價貨品都俾我試. 好彩有得試,
著上身唔係咁好睇, 所以冇買. 見到舊年冬季有個福袋, 有大袋, 化妝袋, 外套果set,
d野拆開黎賣... =.= 但好多人買個大袋. $190. 好似好快就賣淨幾個. 不過d人好粗魯,
人地掛住d衫係度, 睇到人地d衫飛哂落地. 整落地又唔執返佢,
見到一件二件心愛既liz lisa飛哂落地, 有d心痛. 哈哈哈!!!
琴日星期日我去cwb sogo睇, 款式不及tst多. 唔通人流多, d野賣得快?!
其實琴日我主要係睇福袋. 去到見到有2款福袋, 分別係2件裝$490同3件裝$550.
都幾多人買. 不過呢d福袋冇得好似年頭果d有得撰. 即係呢d係月下貨. 賣唔去清垃圾咁.
囧!!! 我問店員邊d係3件邊d係2件果陣. 店員話3件既得返一個, 岩岩有另一個人拎左.
咁我就懶係執到寶咁好快拎左去叫店員幫我keep住先.
突然聽到買左果個人問店員可唔可以而家開黎睇下. 咁我又八卦喎!
咪離遠dd咁裝下囉. 果個人一拎出黎, 心諗pk...佢再拎多一件出黎, 心入面更pk.........
佢地好開心, 仲話2件幾靚. 緊係靚啦, 因為2件我都有呀!!!!!
就係下面兩張相入面既裙褲仔.
果下真係嚇死我. 諗緊萬一我果袋又係咁就死得啦!!! 都係唔好貪佢3件喇.
我係出面偷睇2件裝果d, 拎左一袋重手d既, 同店員講,
"我都係唔要3件喇, 見到果個人果袋入面3件有2件我都有我好驚" 哈哈哈哈!!!
真係拗底... 至於我果袋係乜野? 賣個關子先....引下你地, 哈哈哈哈哈!!!
琴日cwb都唔夠tst多人. 可能我11點未夠就去到呱. 不過好多自由行, 呢d人又係亂黎.
岩岩去到見到有個肥自由人行出黎, 好心肥就就住行啦, 一個身勾住幾個福袋.
d福袋真係跟住佢行咁, 我一手就禁住d福袋, 果陣佢先知自己勾到野. 囧.
仲有好多自由人入去, 又係搞到成地衫, 連放係地下果d紙板都整"林"埋,
紙板上果個冇記錯好似係結以來的. 嗚嗚嗚~~~
估唔到有liz系睫毛賣. 終於見到實物喇, 好開心, 都唔貴, $125兩對, dolly wink都要$90啦.
店員話佢地只係訂左呢款, 因為呢款帶起上黎好睇過另一款. 我都買左pack試下.
見到代購都要差唔多$200一pack, 專門店都係$125, 唔好去搶......
不過我買左一條半價既裙, cwb店員唔俾我試. 嗚~~ 結果返到屋企試,
條拉鏈拉到去胸位果度拉唔到了. 著唔到. 好唔開心, 又冇得換. 有冇好心人可以收留佢呀.
嗚嗚~~ 我諗下次都係去tst好d了. 佢地俾我試. 嗚嗚嗚~~
係喎, 唔記得講埋, 買福袋有抽獎. 我中左個真係好安慰既安慰獎.
liz lisa藍白格仔紙袋一個!! 頂!!! 之前買滿$1000就有一個啦!!! 吹啤啤~~~
佢有個大獎的, 我唔中囉!! 大獎果個, 就係之前係日本買滿唔知幾多萬yen送果個, 等
閒搵返張相出黎先!!! 激氣!!
我的Wardrobe Diary
都會在我的fanpage上發放.
我的Blogspot
我的微博
http://weibo.com/misshxlizlisa我的DIY手作專頁 - Babydoll Handmade
http://www.facebook.com/BabydollHandmade我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
