Friday, April 29, 2011

Liz Lisa大熱復古包包, 我的是白色!

今季Liz Lisa最受歡迎既復古包包, 係上星期四上架了.
呢個復古包包真係迷到一眾Liz Lisa Fans.
人人最想要既就係啡色了(包括我在內)
但諗唔到, 呢個包包, 每隻色, 每間專門店只係返得一個.
限量到得人驚. (點解呢排咁多受歡迎既野都係返得一件?
花花平底鞋又係咁, 復古包包又係咁. 激死人了)
無奈我要返工, 要放左工先去得. 去到見到得返一個小號白色復古包包.
大號仲有粉紅色同啡色. 打算叫店員幫我check下其他分店仲有冇啡色.
點知全線都冇哂喇. 唉!!!!! 慢一步!!! 店員話, 一上架, 下晝已經賣左3個了.
粉紅色都冇, 得返我手上拎住個白色, 我唔要既話, 一定冇埋.
所以我最後都要左白色.


呢個復古包包外形十分討好. 難怪受歡迎程度爆燈!!!
大號同小號相比之下, 小號真係靚好多呢. 大號既實物真係好似大左少少.


小號係3-ways, 大號係2-ways, 估唔到大既反而冇得做背包~!!


 袋面個花真係好靚呀. 不過我呢個係白色, 真係好驚耐左會變黃 >__<


 鈕扣係心心, 十分可愛呢!


 原來打開個袋, 出面仲有一格喎!!


包包後面, 係for背包, 設計好可愛, 好有日本feel!
不過當背包用真係好危險, 因為拎過一次呢個袋出街,
發覺個啪鈕係啪得唔係咁實, 袋入面又冇拉鏈物體.
係後面俾人一野打開, 乜都俾人拎哂走了.
側面仲有個圈圈, 係要黎側咩的.

 
仲以為要拆一條背帶要黎做側咩帶,
點知原來入面仲有一條係for側咩用!!
真係估唔到. 一個包包有3條帶. 每條都有佢專屬既功能, 超讚!!!!

總括黎講, 呢個復古包包真係物超所值. 雖然買唔到啡色.
但都買到同款白色, 都已經好開心了.




我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
 

Thursday, April 28, 2011

H&M啡色小包包

早排行H&M見到有個小包包, 好得意, 其實果日本身想睇飾物.
點知見到呢個袋. 啡色, 有少少復古. 不過都幾細個.


其實呢個袋放唔到幾多野. 而家諗返唔知點解會買.
因為買左成2個月都未用過. 因為佢真係太細了.
呢個袋只可以鈄咩. 咁細個都要百幾蚊, 好似有D唔抵.
哈哈哈. 下次買之前都係諗清楚先好了.
 
 


我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
 

Wednesday, April 27, 2011

初試Orbis營養代餐

早兩日放假係屋企睇marie claire, elle, cosmopolitan
果D都有廣告介紹orbis既營養代餐.
一直都覺得什麼代餐係極之難食既野.
但見到佢介紹呢個意大利雲吞代餐, 好似好吸引咁,
仲要話1個月可以減到5lbs!!!! 太吸引了. 平時我唔係食好多野,
零食更加少, 但唔知點解都咁肥.   同埋而家lunch都好少帶飯,
出街食都食到厭. 所以決定試一試.

一買就買左咁多, 仲有兩盒螺絲粉未有貨. 星期六先去拎.
其實都唔知食呢D野work唔work. 我估配合埋運動會好好多.
等我試果陣先慢慢同大家介紹下啦.
(好似我好多之前post左話會詳細講, 都仲未講XDDDDD)




我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
 

Sunday, April 24, 2011

簡約玫瑰花GEL甲

呢個甲係過年前做的. 知道Angelababy開左間美甲店,
專登慕名去試一試. 不過, 試一次已經夠了.


那天我係約左中午12點的. 佢地營業時間係11點半.
我11點55分去到, 竟然門都未開. 見到有個女仔係門口mou左係度,
於是我就打算落返去, 果度係唐樓來的. 點知呢個女仔嗌住我,
原來呢個女仔係呢度既美甲師. 囧!!
再等多等, 有另一個女仔上來, 仲食住煙. 唉!!

入到去, 裝修的確係幾靚既. 但係幫我整甲既人就係食住煙果個女仔幫我整.
囧!! 我其中一隻甲斷左甲. 平時整開果D都係用gel做返延長.
點知佢幫我痴隻假甲片上去!! 囧囧囧!!! 仲要另外收$$$!!!!!

之後我問一問, 如果痴石鵰花點計. (其實我book果陣我已經講想鵰花)
點知佢語氣不好咁話, "鵰花就唔夠時間同你鵰,
呢D要花時間既你要book果陣講埋, 所以而家唔會同你鵰"
心諗, 我book果陣有講, 就算你唔鵰咪唔鵰囉, 都唔洗咁寸.
心諗已經冇下次. 加上, 由我坐底整, 到整完, 一個客都冇.
D人係唔想整, 定係真係booking full到咁緊要呢?!

最後我問下, 如果痴閃石O唔OK, 佢就話, "痴閃石就可以, 呢D有限時間"
超~~!! 最尾我冇痴到, 廢事俾多D $$佢賺. 佢呢D一定逐粒計.
之前睇報導! 又話每個美甲師都由angelababy親自試過先請,
唔知點解請埋D咁鬼寸.

所以今次個甲就咁整粉紅色, 好dry!!!


 再係無名指痴左兩粒"現成"既花花上去就算.


簡單到咁, 埋單都要$300. 加上態度又唔好.
未去過既blog友, 真係唔建議你地去.





我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
 

Saturday, April 23, 2011

吉之島十蚊店小襪子

今季大熱穿襪子著鞋子. 幾乎每本日本雜誌每一版都見到麻豆們穿著.
其實往年都見到有咁樣穿著, 但未至於今年咁大行其道.
所以我已一早四出搜羅靚既襪子. 加上我係一D著乜野鞋都會摑腳既人,
所以著襪配鞋子, 真係大愛, 隻腳就冇咁易摑損了.

偶然係吉之島十蚊店發現有小襪. 哇~~ 冇諗過吉之島有D咁可愛既襪子.
加上十蚊好似好抵咁, 就買左幾對了.


 最右果對粉紅色花花襪, 記得嘛? 上一篇有提過啊.
就是這對啦. 穿平底鞋都很好看呢.




 這是我的試穿.


 同一個花紋, 我都買左粉紫色呢, 我見到仲有粉藍色,
但冇買. 因為我冇乜藍色系既野, 諗唔到點襯呢~




粉紫色襪子試穿, 呢對同上面粉紅色是一樣的.
不過多拍一個側面既照片. 可以清楚D見到襪既花邊呢, 好可愛呢~


 呢對係蕾絲襪子. 就咁睇其實一D都唔靚,
仲有少少娘, 但著上腳就唔同睇法了.


 好似玻璃襪啊~~ 不過腳趾唔聽話, 飛起左.....


 呢對襪, 側面睇係最好看. 花花就好似2粒車厘子, 很可愛.


 另一對都是蕾絲, 多了間條, 所以透明度冇上面果對咁明顯.
呢對都係就咁睇一D都唔靚呢~~




 呢對, 要穿起先可以見到一朵朵白色小花花呢~


 另外仲見到有紮頭髮橡根呢, 十蚊六條, 都OK喎~


 不過個接合位好唔鐘意, 一早知個接合位係咁就唔買了. 唉....


遲下再會介紹我係其他百貨公司購既短襪子.
呢幾日出街都有著短襪子. 不過都引來很多目光.
有個阿嬸行行下企左係度望住我.
又有D廿來歲既, 我都唔知佢地係咪out到咁.
一個叫一個睇, 仲要俾人見到你講人, 最憎!!!!
可能D人覺得著襪著涼鞋, 平底鞋好老土.
呢D都係要睇下你自己點睇. 本本書一打開D麻豆都係咁著.
連歐美model都係咁著, 如果D人覺得我地著襪老土,
佢地先係最老土... 哈哈哈哈!! 因為而家興乜都唔知. 仲唔係老土?!
所以上次D一個叫一個睇吱吱針既女仔, 我已視呢D人為MK潮童.
自己會開心一點.




我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
 

Wednesday, April 20, 2011

\o 可愛小鞋子 o/

上星期買左兩對小鞋子. 屋企太多高爭鞋了.
加上近排扭親腳, 都唔想著高爭鞋住. 見到公司附近有間平價鞋店.
有d款都幾可愛. 呢間其實之前買過的. 但d鞋只可以著到一季.
但平平地都ok既~ 加上夏天雨季, 著靚鞋整濕左心都痛.
呢d平價鞋, 落雨天著都唔肉尺. 嘿嘿.
 
今次買左兩對呢. 因為買兩對有9折, $135有兩對真係超抵. 哈哈哈哈.

第一對睇中左既就係呢對鮮粉紅水玉平底鞋了.
其實佢仲有深藍色既, 不過我唔會要藍色啦. 嘿嘿.
最吸引我既就係鞋頭個漲卜卜蝴蝶結! 超立體, 好可愛.


 不過呢對我打算加花花襪去著, 覺得好似會更可愛.
呢個係我既試穿圖. 想不到本身穿足碼37的我.
呢對鞋要到39先岩著. 變左大腳八啊.


試鞋果陣有段小插曲. 話說叫店員拎俾我試.
頭一對. 好明顯右邊腳俾人著鬆左咁. 一穿就感覺到好大分別.
我叫店員可唔可以拎另一對39俾我試, 因為真係兩隻腳個碼係唔同.
點知店員一句, "你係咪大細腳呀?!"  囧!! 你對鞋有問題就話我大細腳?!
有冇搞錯. 可能我隻腳真係大細腳,
但都冇理由一隻腳大過另一隻腳成個碼有多呱. 真係丫.
我試過第二對, 都唔係咁既, 激死!!

第二對既係白色蝴蝶結蕾絲, 其實本來我睇唔到呢對的.
我之前試左一對粉紅色open toe花花既, 點知試上腳好老.
突然先俾我見到呢對, 試上腳, 覺得好斯文可愛.
個鞋形好好睇呀. 於是又get埋呢對了.


 大家估下呢對鞋係幾多號呢?! 無錯, 呢對鞋係40號呀.
自己都覺得好誇張. 第一次著到40號鞋!! 哈哈哈!! d碼真係好唔足碼.


 呢對鞋加短襪著都好可愛呢!


對襪係o係吉之島十蚊店買既. 無意中俾我見到.
質料ok又可愛. 下一篇將會介紹下我係吉之島十蚊店買既小襪子. ^^"




我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
 

Tuesday, April 19, 2011

新購入Liz Lisa可愛小手袋

早排係官網見到有d新既手袋好靚, 但等好耐都唔見. 都係籐袋黎既.
我睇中左兩款呀. 一款就係四四方既, 一個就係有個蝴蝶結既.
 

月頭果陣就見到蝴蝶結手袋返左喇, 初初以為只有白色,
點知原來有粉紅色. *心心眼* 好可愛呢. 試一試"咩",
好可愛呀, 於是就買左lu. 日本model係catalogue都有影過相架.
model拎住既係白色, 我買左粉紅色.


 店員用左個liz lisa紙袋放俾我呀. 好靚, 好開心. 多謝呀~ ^^"


 呢個係官網圖. 係我買左個袋, 官網先有圖....xddd 其實2隻色都好靚好可愛呢.


 實物圖. 可以手挽, 附有一條側帶, 可以側咩或打鈄咩都得. 超可愛.


 拉鏈頭係心心啊~~~ 成個手袋設計得好精緻!! ^_^



後記:
岩岩有人話我知, 果位自認身材好樣又靚既小姐又係微博度話我了.
本來我都唔想知唔想睇唔想理. 但朋友幫我cap埋圖. 哈哈~ 唔該哂喎!



有時做人呢, 就唔好做到咁衰格. 講野講d唔講d扮可憐.
唔係你偷我d相放係你度仲要鬧我, 我會係我自己blog度話返你呢?!
"很久委久(?)之前, 係咩? 好似你早幾日先post我2張.
有人話我知你之前都post過我d相黎話我. 做乜呀! 你講得我唔講得你呀?
聽過乜野叫先撩者賤呀? 仲好意思話我抹黑你, 超好笑. 三唔識七,
你唔話我, 我點會話你呀!! 痴痴地線.  仲叫我減肥. 哈哈哈!!
自己飛機場叫人減肥, 瘦到得棚骨仲自己覺得自己好靚. 救命.
總之做人要對自己所做既野負責, 錯就要認, 打就要企定.
你post得相去鬧人, 你預左會俾人鬧返!!!!!!!!
anyway而家全世界知呢件事既人都鬧緊你!!! 請你自我好好檢討,
希望你係將來既日子. 唔好再對其他人做出同樣既事!!!
 
 
追加: 有人話我知呢個人已經delete左我既相同佢自己既留言,
我想講呢, delete左唔代表冇發生過, 你係鬧過我!! 同埋你delete都冇用喇,
我地cap哂圖架喇!!! 又要扮野鬧人, 俾人發現又驚到delete?! 早知今日, 何必當初呢?!?!
好好笑. 我已經當笑話黎睇!!
 
追追加: 又有人話我知佢根本冇delete到D相, 我話知佢!!
仲話佢唔夠膽睇D comment?! 面對現實啦coward!!!
好睇唔起呢D懶係勁扮哂野鬧人, 俾人寸返轉頭又冇gut屎既人.... 超~~!!





我的Wardrobe Diary
都會在我的fanpage上發放.
也會分享我的生活點滴, 歡迎大家加入.
http://www.facebook.com/MissHxLizLisa
 
我的Blogspot

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512