Miss H's Blog: June 2011

Tuesday, June 28, 2011

沒禮貌的售貨員

話說我琴日去黃埔間Cozy睇d髮夾. 咁之前我都有去過果度買野,
有1,2個店員已經認得我, 其中一個店員仲同我講, "今次可以用coupon喎"
我話, "係呀" 咁另一邊有2個店員企係度.
其中一個店員(佢名叫Sxxxx, 就叫佢店員S啦),
店員S就問返呢個店員同邊個講野!
果個店員就指住我, 話, "我同佢講囉, 佢今次可以用coupon丫嘛"
我覺得好古怪. 我望下佢地, 點知果個店員S即刻問呢個店員, "識架?!?!"
呢下我就覺得店員S好無禮貌囉!!!! 點會咁樣當住客講野?!
我即刻同呢個店員講, "我地係咪識架? 唔識係咪唔可以講野?!"
店員S望住我, 我問佢: "吓!" 店員S唔敢再出聲!!!
原先呢個店員繼續同我講野話新返左D乜乜物物叫我慢慢睇!!
我撰左2個髮夾之後就俾$$$, 收銀既係店員S!!
佢拎住我印花咭睇, "點解你有咁多印花, 你上次買左D乜"
係咪有病架, 我上次買乜關你乜野事? 要你過問?!
唔通我呃D印花返黎架!? 我真係覺得呢個人唔適合做售貨員囉!!!
好無禮貌!!! 簡直不知所謂!!!! 老實講琴晚我真係好鬼慶!!!
而家D年輕人真係!!! 要記住你做得售貨員企係間SHOP度掛住個名牌,
或者著住公司套制服既!! 你就係代表緊公司!!!!
公司係好係壞就係靠你啦!!! 你公司有D咁冇禮貌既員工真係倒米!!!!

老實講, 我發覺而家好多售貨員當住客面前俾說話d客聽.
其實係咪有必要呢? 你要講既, 都唔該你等個客走左幾百萬米遠你先好講啦!!
好似有次我去我喜愛牌子既服裝店試身, 有2個試身室.
一個放滿野, 只係得返一個試身室可以俾人試.
當時我就係試身室入面試身, 拎左4,5件再右.
試到最尾一件果陣竟然聽到出面有人話:
"咁鬼耐架!!! 咪換完影張相之嘛, 都搞咁耐"
我唔知呢句說話係出自店員口中, 定係客人講!! (其實當時冇乜客人)
客人講既都無可厚非, 因為大家等試等得耐會抆唔出奇.
但如果係店員講就好有問題喇!!! 唔知咁講係咩意思呢~?
開鋪做生意最大鑊就係得罪客人. 你想有回頭客都幾難!!!
即係簡單d, 幫襯你仲要俾你鬧?!?!?
(anyway, 店員都係打工, 當然唔會當係自己生意)

最後我想講呢, 我入去試衫我係真係去試件衫, 試完會照下睇下fit唔fit到自己!
唔岩既都唔會買, 同埋我試既都係鐘意先會拎去試, 試下岩唔岩身,
著得好唔好睇! 唔係d人所講既試衫係為左影一張相囉~

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512

Monday, June 27, 2011

第一次購Pinky Girls - 可愛心心手袋

第一次購Pinky Girls. 平時間中都會入去睇下, 但都唔岩心水, 覺得唔夠Liz Lisa咁花巧同details. 咁岩果次去完Liz Lisa, 走之前經過Pinky Girls見到櫥窗入面個手袋好可愛呢. 成日就諗住呢個袋. 之前都有係夢展望網頁見過類似既心心手袋, 但佢好似得返黑色, 咁我而家好少黑色配搭, 唔岩襯. 今次呢個係紅色心心好可愛. 雖然冇粉紅色, 但紅色都不錯啊!!

心心中間仲有一個蝴蝶結, 再有一個心心鎖. 好多心心好可愛啊~

拉鏈都係心心啊~~~

裡面有一個暗袋, 入面竟然發現到d野喎!

入面有條鎖匙啊~~~~

原來係心心鎖既鎖匙啊~~~

係打得開架, 要好好保管條鎖匙先得囉~~ 太細, 好易唔見.

心心袋, 拎上手就係咁大啦~~~ 又唔算好大, 又唔算好細, 都放到ok多野架!

好啦, 而家等我示範下3種孭法啦!!!

第一款就係短帶側孭, 最常既孭法.

第二款就係放長鈄孭, 條帶原來既長度, 真係好長啊~
我諗如果要鈄孭都要較短少少會好睇d.

最後一款就係側孭了. 側孭好似較斯文既孭法.

示範完了. 嘿嘿. 今次可是第一次咁樣既方式介紹啊~
以往只是post實物相, 沒有示範的. 希望大家會喜歡啦~
因為咁樣出文的確用多好多時間同心機,
但又真係好想同大家分享. 大家要多多支持啊~~ :)

本blog專頁, 開左差唔多有一個月了,

好感激大家支持我的專頁. 人數快要100人了. 好開心呀!!

多謝大家支持, 當到達100人的時候, 我決定來一個小抽獎.

以感謝大家對我同我個Blog既支持 :) 而家在諗小禮物中呢~~

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

Wednesday, June 22, 2011

反斗車王McQueen

而家晚晚睇電視都會見到廸士尼既廣告,
就係反斗車王麥坤已經到左香港廸士尼喇.
但其實只係一個好短既跳舞表演節目. 每日有3場.

好有氣勢的說. 麥坤真係幾靚仔,
如果多幾架車一齊出會仲好,
但可惜佢地只係一個怖景版係樂園唔同角落俾人影相. 囧!

長腿姐姐著起連身短褲真係特別靚的!!!

其實呢架車咪同之前HSM架車一樣. 跳舞編排都好似差唔多.
感覺上好似換湯唔換藥. 個show又短, 到喉唔到肺!!!

不過d引擎聲真係幾正~ 好有型!!!

跳得2,3首歌, 咁就到影相時間, 但要預先排隊.
每場既名額有限. 夏天曬住等真係幾囉命. 影相都有一個問題.
就係車既兩邊都可以企guest影囉. 呢個安排係可以多d guest影到,
但園方有冇諗過2邊都企人, 張相點會靚呀!!! 唉~~~ 好失敗!!!

本來有新show係一件非常好既事. 加上反斗車王2就黎上畫.
有呢個show的確係唔錯. 但係點解,
每年最有夏天感覺既米奇水花巡遊會冇左!!!! 夏天點可以冇mww!!!
唉. 真係!!! 一個反斗車王show可以令到其他節目冇哂?
舊年有mww, 有jungle boogie fun, 有史廸仔hang loose,
有廸士尼朋友驚喜快拍. 點解今年可以冇哂!!!!
得個咁既反斗車王show. 講真好無聊囉~~~!!!

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

Tuesday, June 21, 2011

2011-06-11 美麗華Liz Lisa 結以來店 ~ 見面會香港第2站 (下)

其實呢篇係果日既花絮, D相係朋友影的.

真係好感激佢抽時間黎陪我同幫我影相呢~ 多謝哂你呢~~
話說果日真係好搞笑, 平時一個人著Liz Lisa出街會勁俾人望.
果日差唔多開始果陣已聚集左好多Liz Lisa/Yui既fans係度等~
已經見到好多人拎相機同手機影我地囉. 囧! 都唔知乜事.
企係度唔等於要俾你影, 亦都唔等於可以俾你影.
所以我地一見到有人拎住D機對住我地, 我地即刻拎咩面.
XDDDDDDDD 之後見到果4個男既日本工作人員無神神望住我,
之後佢地自己唔知講D乜, 就同攝影姐姐講唔知乜,
之後攝影姐姐走黎同我講, 問可唔可以同我影張相.
仲話要影埋個台咁話. 其實我有D驚... XDDD
咁就叫埋D朋友仔一齊影啦. 一齊影開心D嘛.

唔影就好地地, 一影, 唔知點解殺出左好多人走黎影我地.
最記得有個鬼佬走黎係咁影. 囧!!!!! 仲有個女人拉住我, 話要同我影,
不過當時掛住同攝影姐姐講問佢可唔可以send返D相俾我地,
忽略左呢個女人. 朋友仔話返我知, 原來果個女人係泰國人 XDDD
我喜歡泰國呢個地方的. 我立即同佢講左句 "沙華D卡" 佢勁開心囉.
不過我又掛住留email俾攝影姐姐. 個女人冇幾耐走左lu~~~
丫... 我個fan屎走左 >_< 哈哈講笑~~ anyway,
攝影姐姐仲未send返D相俾我地呀!!
姐姐, 好希望你見到我呢篇blog呢, 我在找妳啊~~

當日真係辛苦店員同工作人員喇. 拎住個架又上又落真係辛苦哂.
但你地果日安排得好好呢~~

起初我地企係電梯口的. 記得我上一篇有提過嗎?

開始之前, 我地被安排企正台前啊~ 真係太好了.
我地可以清楚見到結以做訪問呢~
我地就好似小fans等偶像呢~~ XDDD

我朋友仲影到結以搭電梯落黎呢~ 哈哈哈!!

結以真係好可愛呀!!!

佢做訪問時表情多多, 仲有動作, 好可愛啊~

大合照時間, 真係好難得咁多人著住Liz Lisa一齊影相, 都幾壯觀!!!

影完大合照之後, 呢個活動都結束了. 香港活動完了.
之後到澳門了. 其實我覺得好累喇.
相信工作人員連日黎飛黎飛去都好累. 結以又病埋添.
真係陰公!

我朋友影左張好靚既相. 真係超靚, 一黎結以靚女,

二黎影得真係好靚 XDD 最記得我當時係我朋友隔離,
佢同結以講 "one two three" 結以又真係擺pose俾我朋友影,
佢真係超nice!!! 所以我相信相由心生既道理. 抵佢生得咁靚咁可愛!!
唔似得D怪獸夠膽叫人唔識日文死開, 心地唔好一睇就知係怪獸!!! 哈哈哈!!!!

黎緊會出埋澳門站既文. 希望我可以快D出啦,
我真係太懶, 影左好多相準備出都未出. 呵呵~~

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

Tuesday, June 14, 2011

2011-06-11 美麗華Liz Lisa 結以來店 ~ 見面會香港第2站 (上)

連續2日既見面會. 咁難得結以黎. 點都要去捧場.

店員叫我唔洗咁早去. 但我都係心急. 開頭打算11點就到,
結果11點幾先出門口. 去到都成12點. 一入到美麗華門口.
哇~~~~~~ 好大個台呀!! 一陣就係要上去同結以影相呀.
一定好多人圍住睇啦.

上到去專門店冇乜人喎哈哈哈!! 又捉蟲了. 哈哈哈!!

同店員傾左陣啦. 企係店入面等好似好古怪咁.
店員叫我去starbucks坐坐, 但我又唔想,
淨係坐唔買杯野霸住個位又好衰咁 XDDD
其實我唔想飲野係怕一陣排隊突然要去廁所.
不過最尾都係行開去搵個地方休息下.
廢事企係人地鋪頭阻住人地做生意啦. 哈哈哈!!!

於是我搵左個地方坐一陣, 之後又行左去,

因為有個哥哥係度mic check好嘈呀 XD
心諗一陣可能有d野睇喎!!!

覺呢個位好正. 於是我企左係呢個位等我朋友黎.
咁佢就可以幫我影相啦. 因為怕樓下太多人.
所以拎埋支長鏡出黎, 咁可以借俾我朋友幫我影啦.
yeah!!! 呢個位的確唔錯啊!!

等下等下, 越黎越多liz lisa/結以fans黎到喇.
見返琴日見到既朋友真係好開心呀!! 我地一齊傾住一齊等開始.
真係好興奮又緊張. 其實我地真係好觸目架.
因為差唔多個個都著住liz lisa, 企哂係個台前.
好多人係度影我地. 囧!!

等左幾個字之後, 終於可以開始排啦. 起初我地排電梯口的.

分開左兩邊條龍咁. 店員細細聲走黎問呢個位O唔OK,
因為一陣結以係呢條電梯落黎啊. 我地真係好興奮,
好快就話好ok了 XDDD
之後見到有其中一個liz lisa老細走過黎用廣東話講咩 "屈返入去排"
之後店員就同我地講, 介唔介排去前面. 但我地想見到結以落電梯.
但店員話企果度都會見到的. 於是我地過去排,
但點知前面排緊既再行前左, 變左我地過左去,
我地成班圍左係台下面了. 結以落黎之前.
MC做左個短短既Liz Lisa介紹. 仲介紹左今次條限定one piece添,
真係辛苦店員要將呢個架抬上抬落了.