Liz Lisa 花花手厄

最近Liz Lisa出左款好靚既花花手勾.
真係叫人又愛又恨. 愛既就係真係好靚,
大家都非常喜歡, 恨既就係好多blog友都戴唔到,
因為手細既關係, 垂低手已經可以成隻跌左出黎.
不過好彩地, 我岩戴囉. 嘿嘿~~ 首先睇下官網圖啦.


 有兩款, 一款係太陽花, 一款係玫瑰花!! 兩款都唔同架!!


 來個實物既背面, 明顯就係一大一細.
應該係一粗一幼先岩!! 嘿!!!
粉色玫瑰花配象牙色幼身手厄, 好浪漫既感覺!
太陽花配蜜糖色粗身手厄, 充滿夏天既氣息.
夏天我就最喜愛打扮出陽光氣息, 成個人都好精神的!!


 首先看看玫瑰花花那款, 正面同左右兩面.

全隻手厄合共用左8朵玫瑰花而成,

2朵大玫瑰花同6朵小玫瑰花! 實在太可愛了.
現在由我示範一下吧.
其實我戴都有d鬆架!! 因為我手骨唔算太粗.
但好在我手掌個位都有d肉, 可以 "long" 住隻手厄,
唔跌得出黎!! 嘿嘿!!!


好啦, 而家輪到太陽花花呢款啦. 本來諗住2選1,
但兩款都唔同花花, 好喜歡花花, 我係一個花花控, 所以get埋了.
先看看呢款手厄既正面同左右兩面先!




 其實呢款都有2朵小小玫瑰花架!!
兩朵太陽花, 中間就有2朵小小玫瑰花襯托, 效果都幾好呢!!
到我示範了!!! 係唔係同之前玫瑰花手厄有兩種感覺呢!!!


呢一隻手厄感覺上好似冇咁鬆, 唔知係咪佢較粗身.
兩款我都好鐘意呀, 你地鐘意邊款多d呢?!?!




我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa
 

我的Blogspot

http://misshbabydoll.blogspot.hk/
 

我的Tickalook
http://www.tickalook.com/member/profile/11496/babydoll-vip

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512

 

Accessorize小飾物

曾幾何時我好起歡Muk/Mukai既飾物.

覺得佢好可愛, 公司附近又有一間, 以前經常去睇.
但已經起碼半年冇去購物了.
因為覺得好似出黎出去都差唔多款咁!!
有朋友常提起Accessorize!! 心想一定好貴了.
有次行時代廣場就見到呢間店. 就入去睇下啦.
點知一睇就要叫自己快d出返去門口,
因為入面既飾物實在太吸引了.
我知道自己一定會買買買買買買.
所以係咪出事之前就要走了. 哈哈哈哈!!

但係, 當然我係定力不夠既人,

好快就衰左係Accessorize既手上.
自始就開始喜歡了這個品牌,
有時行過經過都會入去望一望. 好多時都會買野.
今次先介紹兩款飾物. 其實我仲有買左好多架,
不過我又懶得執相, 又廢事load相load得耐,
好快就會介紹埋其他飾物.


 今次介紹既係高貴的玫瑰珠珍水鑽手鏈.


玫瑰花好浪漫, 珍珠代表高貴,
浪漫又高貴再加埋小小既鑽石(假鑽啦我諗. 哈哈)
成條金鏈都變得好高貴大方, 延續歐洲貴族風格!

其實戴左上手, 條鏈唔會好粗, 好幼的.

一d都唔誇張. 玫瑰花同珠珍顯得好淑女的感覺.
相信好多blog友們都會喜歡呢條手鏈呢!!
第二款就係介紹一下呢隻心心介子.
粉紅色怪獸的我當然選粉紅色吧. 嘿嘿!!
呢款介子感覺很年輕呢. 就好像年輕了十年!! 哇哈哈哈!!

到我示範一下了. 唔知點樣擺pose好,
就咁影隻手好似唔好幾好睇咁.
但影相當日我因為冇出街, 冇化妝,
所以要遮住個樣先!! XDDDDDD


下次會再介紹多少少架喇,
 一篇文得2個東西又的確好似少左D咁. 嘿~




我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa
 

我的Blogspot

http://misshbabydoll.blogspot.hk/
 

我的Tickalook
http://www.tickalook.com/member/profile/11496/babydoll-vip

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512

 

Liz Lisa超豪華洋傘

今次介紹既係上次係澳門購既洋傘.

好耐之前我就想要一把呢D洋傘,
覺得好美, 好優雅. 當時睇中左Baby, The Stars Shine Bright.
點知個賣家潛左水, 幾個月之後先問我仲要唔要把洋傘.
咁既效率既賣家, 同佢買真係唔放心, 結果冇要到.
咁岩上次去澳門睇結以. 威尼斯人有寢室用品.
我恨左好耐去睇. 終於去左啦. 好開心.
見到有呢把洋傘. 心思思想要. 有米色同埋粉紅色.
兩隻色唔知邊隻色好. 因為兩隻色都好靚.
但諗下要搭返船返黎, 拎住把洋傘一定會好輪盡.
都唔知有冇位放D戰利品. 左諗右諗.... 最尾都....... 嘿嘿!!
因為當天都有落毛毛雨. 都可以用得著, 不過最尾都冇用到.


 果陣唔知要邊隻色好. 米色就係一般洋傘既顏色.
好多lolita洋傘都係咁樣. 但粉紅色果把, 又唔係淺粉,
係深深地粉紅色. 我又想要米色, 又想要粉紅色.
最尾兩把打開哂放左係床上睇. 哈哈哈!!
我都覺得自己好煩 XDD 不過友善的店員俾我打開慢慢諗,
慢慢撰. 真係好人啊!! 當兩把打開哂既時候,
米色真是好看點. 咁就買左喇.


下面呢張相, 之前係專頁發怖過,
但好多blog友們都估唔中啊!! XDDD 
其實係綁住把洋傘既蝴蝶結呢! 仲有個心心吊飾, 超可愛!!


不如打開來看看吧. 真係有種好華麗既感覺.
雖然呢排成日落雨, 但係我都唔捨得拎出街呀!!!
我怕簷蓬水污糟整黑把洋傘. 又怕D人拎住D傘亂篤,
篤爛我把洋傘. 又怕俾大風吹翻我把洋傘. 十萬個擔心.


 洋傘內, 很堅故似的.


 洋傘的手柄. 包了一層金色的膠. 金光閃閃, 特顯華麗!!


 洋傘的頂部, 超美的金屬頂部設計, 華麗之中的貴族風格.


洋傘周邊都車得好lolita風. 超級華麗的洋傘, 太喜歡了.
但當我令住上下擺動時, 覺得洋傘好像一隻水母. 哈哈哈哈哈!!


 洋傘的其中一邊, 用金綫繡了Liz Lisa既字樣.


 近D睇個繡花. 真係繡得好仔細呢. 後面仲有一個心心.


 其實呢把洋傘, 係之前Liz Lisa春夏發怖果陣出現過架. 但隻色係另一隻色.


本來今日lunch就想出呢篇文, 點知公司個internet死左,
到放工都整唔返. 結果全公司整天都沒有internet用.
哈哈!! 希望明天可以上網啦~~



我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa
 

我的Blogspot

http://misshbabydoll.blogspot.hk/
 

我的Tickalook
http://www.tickalook.com/member/profile/11496/babydoll-vip

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512

 

Liz Lisa今季最漂亮的草帽

我要努力出文啊!!! 上一篇出左liz lisa既文,

原來有好多blog友都等睇我出liz文呢,
睇黎我要出多一點liz文先得啦, 哈哈哈!!
今次係上個月買既liz lisa花花草帽. 有3隻色.
我覺得白色好特別呢. 好有白色歐陸風,
仲有洋娃娃既感覺! 杏色都唔錯呢,
啡色就好似多數草帽都係咁既色.




仲記得某天本來放工就要去liz lisa逛逛, 但唔知點解又冇去.
到返到屋企先見到有blog友話見到有呢頂草帽同新款復古包!
果陣已經9點喇, 就算去到最近屋企果間liz lisa佢地都差唔多要關門了.
於是第二日放工先再去. 第二日放工之後, 真係見到有草帽啊!!
但只係淨返啡色果頂, 店員話一返貨果日已經即刻賣左2頂.
每隻色返左一頂, 呢頂就係last one了. 不過我唔記得左自己掛住睇d乜.
完全唔記得左頂草帽!! 最尾返到屋企樓下先記得, "頂草帽呀~~~"
激死我了!!!! 第三日好彩返工返半天. 放工馬上去liz lisa,
心諗應該唔會咁快賣左既. 去到, 見到草帽仲係度呀!!!
於是我試一試, 好靚啊! 咁我就買了......


呢頂帽真係好優雅, 全靠側面既花花.
見到catalogue的model們都可以將頂帽呢邊反返落黎,
但其實係有針線聯實左, 要放落黎就要拆左佢,
但我選擇就咁啦, 咁樣仲特別啦...


其實我係一個花花控! 一有花花既item我就會著迷.
有六朵玫瑰花花, d花花配色配得好靚呢....


 帽邊既pattern好靚呀!!


先來個正面的, 實在太好看了. 頂帽就咁睇好似好大頂,
但出黎既效果唔係好大咋. 仲好好睇添!!


 來個側面~ 見到側面d花花啊~~ d花花好靚呢~


 最後來個外拍!! 花花草帽在陽光底下. 超級美好!!!


再來個全身效果.
花花草帽 + 結以來港限定OP + 去年花花藤籃 + esperanza涼鞋!!!
當天打扮大受好評, 連我好多男性朋友見到我呢身打扮都讚好!!!

雖然好多人大讚好看, 但當天出街勁多人用手機偷拍我.

那些人真的沒有禮貌, 沒有品!!!
有d人偷偷地影, 有d人擺明影, 我對呢d人既行為感到可恥....




我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa
 

我的Blogspot

http://misshbabydoll.blogspot.hk/
 

我的Tickalook
http://www.tickalook.com/member/profile/11496/babydoll-vip

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512

 

Liz Lisa 5月感謝週福袋

又一篇拖到好耐先出既文啦~ XDDDD
之前係fanpage度有同大家一齊打開個福袋,
有冇睇到個video呢? 嘿嘿!! 有d朋友就話睇唔清楚,
所以就影左相post出黎同大家分享.
(5月份就應該要出啦, 而家又7月了, 拖得太耐XDD)
記得我買左2個嗎? 我係TST買的, 因為個紙袋比CWB靚,
而且CWB果個紙袋我有, 所以就去左TST買啦.


其實都好驚會買到自己有既item,
但見到有d blog友既福袋都好似唔錯啊~
所以就搏一搏, 碰下運氣.

我呢兩個都算係咁啦, 不過不失, 但自己都喜歡的.
好啦, 第一個福袋既items就係呢d.

小背心, 粉藍色, 呢隻色我都有一件啊,
但我果件後面係有條鏈係粉藍色毛毛球.
呢件後面都有位可以掛條鏈係度既, 但係就冇左條鏈囉.


 之後就係呢條粉紅色格仔OP, 我有呢條既啡色啊!!
呢條結以都有著過呀!!

當時我兩隻色都有試. 但覺得粉紅係靚, 但就cute左d,

所以選左啡色, 點知而家粉紅色返左黎我身邊呢. 哈哈哈, 好開心.



飾物就係呢隻粉紅色小熊介子呢, 好可愛.
之前見到冇買到. 因為覺得自己少戴介子.
但而家有一隻都唔錯啊!!!


到第二個福袋, 呢個福袋都幾特別下.
竟然有一條工人褲款既花花褲呀~~
我未著過呢種款, 但呢條著起左原來都幾好睇呢.


上面果塊野仲可以拆左出黎, 就咁當短褲著都得啊!!
唔錯呢. 啡色既玫瑰花圖案原來都可以好靚...

另一個item就係呢條belt, 真係超好配襯, 8

0%以上既衣服都可以襯到呢.
我叫佢做超級無敵鐵甲belt XDDDD 
佢已經成為我最鐘意用既belt了!!


最後就係飾物喇, 閃閃令蝴蝶結頸鏈. 好岩我呀,
最好就係呢d咁. 之前見到唔捨得買,
到福袋平價出售又有自己岩既物品.



買福袋成日俾人感覺係幫人清垃圾.
但係有時福袋都會有好野呢. 好野即係岩自己心意既.
好似我呢兩個福袋都ok啊!! 同埋由未打開福袋,
未知入面有d乜野, 到打開左, 逐樣拎出黎睇,
係有種期待同驚喜的感覺!! 當然如果抽到d唔岩自己既,
又或者自己有相同, 咁就會#*%y#)%*&#%)#*&%)啦!! 哈哈哈哈!!!

買福袋都會有抽獎, 好吸引呢!!! 可惜可惜, 次次我都抽唔到大獎!!
我好想要果個粉紅色大袋呀!!!  >___<  次次都係抽紙袋, 激死!!!


Liz Lisa d紙袋真係好靚, 靚到唔捨得用!!! 真係好想將d紫色環保袋變哂紙袋.....





我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa
 

我的Blogspot

http://misshbabydoll.blogspot.hk/
 

我的Tickalook
http://www.tickalook.com/member/profile/11496/babydoll-vip

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512