Miss H's Blog: 飄呀飄浮到澳門, 順道Liz Lisa遊一遊

剛剛星期日同朋友去左澳門玩呢.

其實都唔算玩, 都係行下影下相.
今年第二次去澳門了. d路都開始熟.
果日搭10:30am班船, 過都去都過左11:30am.
陪朋友做埋E道申請. 等好耐呀, 搞掂都成12點幾lu.

我地首先就去左威尼斯人先.

排隊上shuttle bus條龍真係超長,
好彩等2架旅遊吧就上到車. 食完野之後都成2點幾.
d時間飛咁快. 之後就去liz lisa. 今次同上次一樣,
都係兜左好耐先搵到. 冇辦法, 條條路都一樣樣. 哈哈哈!!
去完liz lisa就影下相. 但冇乜正經相, 張張都係飄浮相.
哈哈哈!! 時下流行嘛. 但其實都幾難.
跳起同渣機果個要配合真係有一定難度.
我同我朋友一路影就會數, "1, 2, 3, 跳, 禁" 叫哂出黎咁影,
好搞笑. 呢張就係我第一張既飄浮相啦. 好搞笑.

本身雙腳就咁垂直跳起, 但好似唔係好似行緊咁既樣,
於是就屈起一隻腳了. 哈哈哈!!
到差唔多離開威尼斯人果陣又飄多次. 哈哈哈!!
隻腳郁曚曚地, 要諗下辦法點跳先隻腳唔會曚... >.<

威尼斯人出面又跳啊. 呢個跳其實唔知算唔算飄浮呢.
是但啦, 不過好多時一跳, d跳髮又飛起哂,
條裙又拱起左, 成個蛋糕咁. 囧!

飄浮完一輪, 都差唔多5點啦, 就走去左第二度啦.
過馬路又飄, 哈哈哈!! 呢度橫行冇乜車行就可以飄,
如果係正常馬路就俾車撞鬼死.. XDDDD

之後去到新馬路果邊, 去到大三巴, 天都黑哂啦,
而且都攰攰地, 走人lu, 但見到有好多花燈, 好靚呢....
去搭船之前又去埋新馬路果邊Liz Lisa.
買到之前想要果條頸鏈, yeah! 仲見到上次睇結以果陣,
好好人果個店員姐姐, 不過我估佢唔認得我了 >.<

今次就買左呢d, 最開心就係買到短身既銀包.
香港專門店而家淨係返長身既, 我用慣短身既, 就唔想要長 >.<
仲有買到小羊羊環保袋, 上次想買但冇買.
今次買啦, 仲有粉紅色羊羊添!! 仲買左紅色蝴蝶結髮帶,
係香港專門店, 第一天就售罄了. 很厲害的說!!
係澳門買到好開心!! 下回先再作詳細介紹.

************************************

近日發覺被人抄襲了!!!
人家可是想了很久才創作出來的東西. 卻給別人拿來用了. 嗚~~~~
可否專重一下原創人的一番心血呢?
換轉如果是你自已創作出來的東西, 卻給別人那來用了, 你會有什麼感受?
我現在感覺很難受.... 自己想出來的東西是花了很多時間.
人家卻不用一秒就把我想出來的東西抄襲了.
如果你是想不到怎樣去做的話, 就請你慢慢去想, 而不是走去抄襲別人吧.

************************************