Miss H's Blog: 不知所謂的Securstar星衛保安!!!

今日滿心歡喜去睇MAMA RED CARPET.
點知俾人搞到一肚氣.
係下面排左2,3個鐘, 上到去仲要等一段時間.
俾我霸到第一行.
好幸運原來我企個位望到BIGBANG既休息室.
當然我有見到佢地啦~
我見到勝利, 大聲同TOP!!!!
我知我隔離個日本妹鐘意勝利.
我同佢講腥醬呀~~~!!
佢好開心, 之後大家都見到大聲.
我地一齊叫DAESUNG一齊揮手.
DAESUNG同我地笑同揮返手.
呢一刻真係好開心.
點知呢間食Q公司即刻搵塊板擋住唔俾我地睇.
洗唔洗咁衰呀!!!

其實我岩岩去到果陣都聽到佢地之間既對話,
一個食Q同另一個食Q講, 話D歌迷同佢地講乜都唔好理, 乜都話唔知.
心諗, 無啦啦同你講乜.... 又話驚我地會禽出去,
個欄去到心口, 點禽出黎呀?!
到差唔多開始果陣發覺呢D食Q企哂係我地前面.
我隔離個女仔已經話, 唔係呱, 一陣唔好企係我地前面呀.
最後佢忍唔住同一個四眼食Q講.
"麻煩你地一陣可唔可以企埋少少呀, 我地想影相呀.
你地企呢度我地睇唔到呀"
呢個食Q唔彩個女仔, 仲要用眼尾望返個女仔.
個女仔加多句: "我知你聽到架, 麻煩你丫~~"
個食Q都係冇反應.
之後越企越多食Q係度.

到開始果陣都冇事的.
到第3位加賓進場. 呢位食Q就企正係紅地毯正中位.

佢唔止阻住左我, 仲阻住後面好多人.
我好有禮貌地同佢講:
"唔好意思呀, 麻煩你可唔可以行過少少呀?
因為你企係度擋哂我地睇唔到呀"
佢完全冇理過我. 黑口黑面咁.

突然有2個食Q即刻衝埋黎我度.

上圖係其中一個, 另一個之後唔知行左去邊影唔到佢相.
上圖呢個人態度非常惡劣問我, "你咩事呀"
淨係睇佢個樣已經知佢黑人憎, 抆口抆面咁.
好似全世界欠左佢.
以下係我同佢既對話內容:

我: 我同佢講遮住左, 想叫佢行過少少但佢冇反應
黑面食Q: 佢緊係唔彩你啦, 佢要做野.
我: 我都知佢要做野, 但可唔可以行過少少, 因為真係遮哂.
黑面食Q: 我地唔會行開架, 你咪自己就位囉.
我: 佢成個企左係呢個位, 岩岩呢個進場我都睇唔到.
黑面食Q: 你個個都要睇咩? 你唔係個個都睇架嘛!!
隔離女仔: 你地遮住哂我買飛入場黎做乜呀?
我: $480買飛唔通睇你地咩?
黑面食Q: 你咪自己就位囉, 我地行過D又有人話阻佢, 我地就得邊個.
我: 其實你行過少少去牆果邊已經阻唔到架喇.
(因為開始之前有韓國人叫過佢地行去牆果邊唔好阻住我地睇,
唔知點解無神神又企正呢個位.)
黑面食Q: 總之我地要做野, 唔會讓俾你.
我: 做野大哂咩, 我又唔係叫你地離開, 只係叫你行過一步.
黑面食Q: 係大哂架喇, 我掉多2個食Q黎擋住你都仲得呀!!
我: 哇, 乜你咁鬼惡死, 你咩名呀? 我要投訴你呀, 你D態度咁既?!
另一個食Q: 咩唔得呀, 你再講丫, 我就搬兩塊板出黎擋住唔俾你睇!!
我: 你地有乜權咁做? 你地要做野, 我地俾錢買飛黎睇.
黑面食Q: 本來讓一讓都唔係問題, 但你一D禮貌都冇我地一定唔會讓.
我: 我冇禮貌? 一開始我就話唔好意思唔該可唔可以行過少少都叫冇禮貌?
係你走埋黎就係咁鬧我, 惡言相向, 而家邊個冇禮貌先?!
黑面食Q: 我都唔再同你講, 總之我個人就要企係度.

我都唔明點解有人可以衰得咁緊要.
我唔係個個睇既話我洗乜買飛黎睇呀?!
人地好聲好氣問佢, 唔彩我, 仲要走黎鬧我.
有病架, 搞到我成場都冇哂mood!!!
當時如果見到BIGBANG都叫唔出啦~~~!!!

冇幾耐, 我後面有人同主辦單位既韓國人投訴前面既人阻住.
韓國人係咁講sorry... 之後叫呢D食Q行開唔好阻住我睇.
最後呢班食Q全部咪企埋哂一邊!!!
點解我好聲好氣叫你借一借俾你鬧到狗血淋頭.
見到韓國人就死哂狗?!?!

到離場果陣, 有2個日本妹影MAMA個細台.
點知有個食Q見到呢2個日本好係度影,
超大聲, 超惡, 好似喝狗咁喝佢地: "出去!!!!!!!!!" "出去呀!!!!!!!!!"
連在場既男士見到都話, "哇, 洗唔洗惡到咁呀~~~~"
咁你講中文, 日本妹唔識聽唔出奇.
呢個食Q就好惡, 好大力用手推走2個日本妹又喝狗咁喝佢地 "出去!!!!!!!!!"
日本妹細聲地話, "Don't touch me!!!!"

其實呢間Secrustar有冇再過份D.....
歌迷都係人, 死慳死抵買張飛去見自己鐘意既偶像無啦啦俾人鬧.
你企正係紅地毯進場正中間, 唔係做個爛鬼食Q就當自己大哂囉...
警察都未有咁惡啦~~~~!!
仲話要搵野去擋住人唔俾人睇. 你有咩權搵塊板擋住我唔俾我睇咩? 真係好笑.
問題係, 洗唔洗咁惡, 當人唔係人, 你地有乜野咁巴閉先~~!!!!
一出聲就係鬧人, 惡成咁.......
我真係好希望到BIGBANG演唱會時唔好又係搵呢間野就得.
呢D都唔知咩人黎....