Miss H's Blog: February 2011

Sunday, February 27, 2011

再續雪花情緣

自聖誕前做了一個雪花gel甲, 好鐘意加大受好評. 好想做多次.
於是今次做左粉紅色底色, 再加閃粉. 雪花加上閃石, 令到雪花好似係雪地閃呀閃咁.

雖然真係好靚, 都好多人讚好靚, 但係雪花畫得冇上次咁好.
我明明話要大大個雪花, 但係美甲師越畫越細. 唉!!!!
同埋閃石未夠一星期就甩左2粒. 走去痴返, 痴完唔夠2個鐘又甩左. 無奈!!!!!!

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

我的微博
http://weibo.com/misshxlizlisa

我的DIY手作專頁 - Babydoll Handmade
http://www.facebook.com/BabydollHandmade

我的寶貝英國老虎狗喪B的專頁
http://www.facebook.com/pages/%E5%96%AAB/212848058746512

Friday, February 25, 2011

Liz Lisa 2011 最新春夏花花飾物入手

早前係官網見到好多花花飾物都好靚. 上星期去過2次專門店都未見,

於是就請店員如果到左就通知我啦. 琴日收到電話, 話有部份花花飾物到左啦.
我怕有d得1,2件, 到放假先去冇左, 所以放工即刻去睇啦.

本身最想要就係個花花頭cool!! 舊年買左一個, 真係好喜歡!

今年呢個同舊年唔同, d花大d. 依然都係好靚. 有d人覺得搞到個頭咁多花叫"發花癲".
我個人就覺得, 都要睇下你點樣配襯, 襯得好叫靚!!! 襯得唔好先叫"發花癲"

去到係見到有, 但只係得返黃色. 本身想要粉紅色. 我就問店員有冇粉紅色啦.
店員就話係其中一位店員自己要左啦. 佢就話可以拎俾我睇下,
如果岩既話就可以安排轉貨. 我一睇, 真係靚好多呀!!
於是店員就幫我問下第二間分店有冇, 幫我專過黎.
其間我聽到店員問果位店員個頭cool趕唔趕住要, 如果唔趕既話想賣左俾我先,
佢等轉貨. 我聽到覺得好唔好意思呀, 人地要左架嘛, 唔可以搶左人地既先.
因為我都可以等到轉貨嘛! 不過最尾, 都係等轉返啦.

呢個花花耳環就係我get既其中一樣! 由3個花花砌成, 超萌!!!!!
下面仲有個心心吊住. 我呢d多數都放哂d頭髮落黎既, 帶呢d誇張耳環會比較好.
唔係會俾d頭髮遮住, 帶左都睇唔到對耳環. 哈哈!!

見到呢條手鏈, 係同耳環同一個系列. 諗緊get唔get好.
因為早排先get左條得一個花花既, 但呢個有3個花花, 2條拼埋黎睇, 都唔一樣,
都可以get, 當然我都會撰粉紅色啦.

官網圖 (下)

另外我好想要同系列既介子. 可愛得好緊要. 可惜未到專門店.
同埋仲有頸鏈款. 又係超可愛. 本來唔想get, 但真係好喜歡3朵花花既設計, 已決定成套get!!!!

今個春夏季, 我將會進入一個花花世界, 好多花花啊~~ 心心眼......
我一定要好好配襯, 唔係就會俾人話"發花癲".....哈哈哈!!!

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

麥當當雞翼拼盤

見到麥當當出左新既雞翼拼盤, 有套餐, 好似36蚊, 唔記得有冇記錯. 都覺得幾貴!!!
但無奈本身好鐘意食雞翼, 加上見到佢個牌張相好靚好吸引,
就俾左30幾蚊買左個雞翼拼盤餐....

個盒做得好靚呀~~~~ 不過一打開, 每每都總叫人失望的說.

個盒比D雞翼大好多好多.... 其實有冇必要用咁多個盒? 囧!

左邊既係青檸味, 味道都OK既~ 中間係普通果隻脆香雞翼,
右面就係香烤雞翼. 味道一般, 如果可以大隻少少就好啦. 隻隻都瘦到死!!
30幾蚊食一次就夠喇, 得幾隻30幾蚊真係一D都唔值.....

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

Wednesday, February 23, 2011

上左yahoo精選blog @0@

剛剛跳完舞返屋企, 就見到好友係我FB度留言話我上左yahoo精選.
果陣嚇到我個心卜卜跳. 即刻上yahoo blog度睇, 打開唔見, 就refresh左幾次,
哇.... 真係有呀!!! 上左精選都唔知. 幾時上架?!?!?!?! 哈哈哈哈!!!
咁搞笑既. 我岩岩先諗住重整下d分類添.

呢排少左打blog都可以上到精選, 真係好多謝各位既支持, 由其係一班好好既blog友.

一齊討論我最鐘意既LIZ LISA係最開心既事. 哈哈哈哈!!!

(咁搞法, 睇黎我真係要出多D文先得啦~~~~ XDDDDD)

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

Tuesday, February 22, 2011

太古Ruby Tuesday "Sheena" 態度超差!!!!!!

呢兩日唔係咁開心. 有朋友知道我唔開心專登出黎陪我去食飯.

夜晚我地去左太古Ruby Tuesday. 呢間分店, 其實我同屋企人成日都去,
今個月都第三次去了, 好多waiters都認得我地, 招呼好, D野又好食,
我地仲申請左VIP好多年添. 都幾抵, 諗住今晚同朋友去食, 借細佬張咭去食, 有半價.

今晚去到, 都唔算好多人, 帶位帶左我地去一張檯, 但我地想坐梳化位,

不過見有人岩岩先走, 仲未執檯, 所以就睇住食乜先. 我朋友少去食,
想知道D野食係點. 咁我就打算係手機俾D相佢睇, 點知有位女侍應"Sheena"走黎我地度,
態度唔太友善. "洗唔洗叫左野食先" 當時我地坐低十分鐘都未夠.
佢咁樣問, 俾我感覺唔係咁好. 我覺得佢好似覺得我地o靚妹食唔起,
一黎到禁禁禁手機. 但我都算. 我朋友點菜, 我地叫左芝士薯條, 同雞翼,
野飲都未叫, 佢已經走左, 佢連覆一次我地叫左乜都冇. 仲要連水都冇杯.

我朋友話見到triple play張相好似好正, 好想食. 咁我地再加單.

我同女侍應"Sheena"講我地想要多個triple play, 呢個侍應係我地呢邊幾張檯既server.
佢聽完之後話, "加多個triple play" 之後又即刻想行開. 都冇話問下洗唔洗要野飲,
已經水又唔俾人. 乾啃?! 我叫停佢, 我話要多2杯可樂. 佢又走, 我都未講完,
但我依然好有禮貌咁問佢, "我地可唔可以搬去呢個梳化位坐呀,
我地想坐得舒服D, 唔該哂" 點知佢態度超差, 好悔氣咁"得"過黎, "我問下人先" ....
完全係囧哂. 冇幾耐佢行返過黎, 好悔氣咁話, "你地淨係呢自己野過去得架喇".
我都仲好有禮貌地同佢講 "唔該哂" , 反而我朋友聽到佢咁既語氣唔彩佢.
咁"Sheena"就幫我地搬野過去, 但佢又搬緊, 我地又點行呢, 因為就係隔離檯, 好窄,
可能佢幫我地先搬左D碟同刀叉, 轉頭再返黎搬2碟食物. 見我地仲坐係度,
佢又再好悔氣講一次, "你地淨係呢自己野過去得架喇". 語氣比之前果次強烈.
其實我已經好唔鐘意, 邊有人咁樣同人講野架, 佢真係一D都唔客氣架.
但我搬左過去都仲同佢講"唔該哂"

到埋單果陣, 佢問我地有冇會員咭, 我話有, 之後俾左佢, 佢一路行一路睇,

之後掉轉頭返黎好寸咁同我講, "唔好意思張咭唔可以轉讓架喎!"
其實我唔知唔可以轉讓. 因為之前都試過拎細佬張會員卡去食, 幾次都OK既.
咁我就即刻call細佬過黎啦. 其實我都知, 人地話唔可以轉讓, 咁我地真係拎左人地張咭,
人地話唔得就係唔得. 係自己唔岩, 但係我真係好唔妥呢個"Sheena",
係因為佢由頭到尾都係用好刻薄既態度去serve我地. 於是到細佬過到黎,
呢個"Sheena"問係咪埋單果陣, 我就問佢, 洗唔洗對返身份證, 肯定係呢個人? 佢就話唔洗!!!
我話你話唔可以轉讓. 你咁肯定佢真係咭主?!?! 佢就話佢地係唔會查.
(我估佢係睇咭上既MR同MS黎衡量張咭係咪你)
我再問佢, 咁係咪求祈係出面搵個男人入黎埋單都得先.
佢就話, "你都可以咁講既" 咁我話, "咁即係你地都唔會真係去證明咭主係唔係真有其人啦!"

我覺得佢係因為我拎到呢個point窒佢, 佢唔憤氣, 即刻拎住張會員咭, 上下上下咁樣chok,
好似訓導主任去訓示學生, 佢好惡咁話, "我再重新一次,
你地申請呢張咭果陣個terms講左話唔可以借俾人, 就算你用左半價優惠,
我地都有權沒收你張咭" 之後我仲同佢講, "哇我好驚喎" 佢就行左去,
之後佢搵個經理走黎同我地講野. 但係個經理係異常之有禮貌地解釋張咭係唔可以轉讓,
我就做返頭先佢咁樣講野, 動作語氣, 我地更加講埋我地一坐落佢點樣態度招呼我地.
我地同經理講, 我地知道借左人張咭係唔岩, 我地嘈佢只係針對佢一直以黎既態度.
講真丫, 唔係佢一開始咁衰, 我都唔會寸佢洗唔洗對身份證. 真係冇野搵野黎嘈咩.
好無聊囉. 經理話會同佢講返態度問題, 係先好講!!!!!!

我次次同親屋企人去食都唔會咁, 佢地真係服務好好, 我都唔知點解今次同朋友去食,

會俾人睇唔起. 一路俾人刻薄對待, 我已經忍左成晚唔出聲, 諗住廢事同人嘈.
點知都係要嘈!!!! 唔係自己俾$$去食野大哂, 只係去得呢D餐廳度食, 除食物之外,
都係食佢環境同服務唧. 點知一直都俾人粗聲粗氣對待.
算啦, 我都知呢位"Sheena"都唔知自己態度差成咁, 佢只係覺得我地借咭仲大聲夾惡,
佢一定諗唔到, 人地咁樣都係全因佢既服務態度差. 希望佢永遠都係度做.
唔係去到茶餐廳, 一早俾D惡人燒佢掃寶啦.

講左出黎, 舒服哂~~~~~

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

Monday, February 21, 2011

Burger Mix 安格斯牛肉漢堡

我都唔知點解呢個星期咁鬼多垃圾留言!!! (講起黎我有d火!!!!!)

我係度重申, 我呢度只係屬予我個人分享自己既野俾志同道合既blog友,
唔係要黎賣廣告既地方!!!! 一如以往, 我會加呢d人入黑名單同埋刪除呢d咁既留言!!!
size哂大家時間, 真係好無聊!!!!

好啦, 入返正題先!! 就係呢個burger mix既安格斯牛肉漢堡喇.

我成日都聽到有d賣漢堡既地方都有呢隻漢堡, 超級想試.
但係比普通既牛肉漢堡貴好多呀, 但係塊肉真係超好食.
呢個漢堡仲要超厚肉, 正到暈!!!!!

相後面既係芝士薯角, 有少少失望, 以為係芝士溶左落溶角度果d, 點知唔係,
只係一兜芝士醬, 我寧願點茄汁好過了.....

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

http://misshbabydoll.blogspot.hk/

我的Tickalook
http://www.tickalook.com/member/profile/11496/babydoll-vip

Monday, February 14, 2011

Popteen3月号LIZ LISA BOOK掲載

Popteen3月号『史上最大のLIZ LISA フェアリーBOOK』
掲載の大人気アイテム達が大集合したょッッヽ(=´▽`=)ノ♪♪♪
人気アイテムは即完売になっちゃうかも！？絶対CHECKだょ☆

3月號既popteen入面有LIZ LISA book呢. 連官網都有提到呀.
為左呢本book我先會買日版, 哈哈!! 唔知中文版會唔會有呢~?!?!?!
今期係久美子封面, 佢呢個look好可愛呀~