呢篇唔係講Liz Lisa啦, 呢篇講下我既B女. 唔知大家有冇玩呢?!
鐘意B女既, 就會越儲越多. 平常人覺得隻隻一樣樣, 我就覺得隻隻都唔同.
唔鐘意B女既, 就會話佢好恐怖, 仲話夜晚會出黎咬人添.
不過我對佢簡直係一見鐘情, 第一眼見到佢係係yahoo拍賣網.
當時記得係公司做野悶悶地上網睇野, 之後就見到佢啦. 眼大大真係好可愛.
於是放工即刻去搵黎買. 2003年9月我擁有第一隻B女.
當時成日帶佢返工, 出街, 係咁拎黎影相, 覺得好開心.
旁人可能覺得"呢個人係咪傻架, 咁大個人仲拎隻公仔出街玩",
但呢個可謂一個娃娃文化. 所有擁有不論B女, P女, SD既女生,
都會幫自己既娃娃打扮得靚靚帶出街影相. 不知不覺, 我已經儲了30幾隻大既B女喇.
起初會幫佢地買衣服, 由於之前既公司都係做時裝, 自然對縫制衣服有少少認識,
就開始幫B女們做衣服了. 記得之前每日放工返到屋企就係度做衫.
做下做下就做多件拎去賣. 有人買我做既衣服我好開心呀, 之後仲去維園farm擺檔,
不過好辛苦呀!! 又曬又唔行得開. 朝十晚六咁. 有生意自然好, 冇生意真係檔租都蝕埋.
大家睇下我既作品先啦, 以下既衫仔就係我做架喇, 當然拍攝果個都係我啦..... 嘿嘿!!
以上2張都係一間叫Dolly Dolly Cafe度影既, 有好多俾B女影相既場景.
係B女迷一個聖地啊~ 可惜呢間cafe已經冇左了.....
出去食野又會帶埋佢去, 亦都會自己做個怖景俾佢影相啊!
當我擁有左B女後, 亦都感染左身邊好多朋友, 紛紛購買B女,
當中有男性朋友添!! 好勁呀!!
不過潮物總有起落..... 好快B女已經冇咁多人玩, 放埋一二邊,
而我做落既一堆B女衫, 都冇繼續拎去買, 變左死貨, 哈哈哈哈!!
我真係好想知其實而家仲有冇人玩B女呢?!?!?! 有諗過開個格仔鋪試下賣....囧
但冇人買租都蝕埋. 呵呵呵~~ 如果可以再興返B女就好喇....
我的Wardrobe Diary
都會在我的fanpage上發放.
我的Blogspot
我的微博
http://weibo.com/misshxlizlisa我的DIY手作專頁 - Babydoll Handmade
http://www.facebook.com/BabydollHandmade我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
