琴晚放工即刻去左TST sogo, 周圍都係人. 又熱到死.
落左電梯行去liz lisa個位, 都俾人塞住左行唔到 XDDD
去到見到有好多福袋!! 個紙袋好靚, 我差d為左個紙袋去買個福袋.
但係理智地諗一諗, 好驚入面既item我已經有, 又或者中左短褲就慘了.
大家好關心既 "$290 one piece" 原來係真有其事既, 我見到既就係得一條.
就係下圖入面果條one
piece!!!
其實呢set野係咪真係賣得咁差呢?!
連續兩次感謝日都見佢拆散出黎賣,
今次都仲有件lace外套仔(冇睇幾多$$)
one
piece $290, 化妝袋$100, 大袋(冇睇幾多$$) 係冇左件top囉...
希望$290一件one piece可以快d清左呢set野,
唔想到11月感謝日又見到佢囉 XDDDD
因為每次見到佢賤賣我都好唔開心,
因為我買果陣岩岩出成set要過千囉!!
而$890既藤藍set, 就係下圖中間長裙果款.
我見都好似有人問店員呢set野, 但係都冇見有人買咁.
反而上面果件one
piece好多人買啊~
我排隊等俾$$果陣已經見到有3個人買緊了.
另外仲有人試添!! 減價貨可以俾人試真係好 >.<
其實琴晚tst sogo真係都幾多人. 因為除左佢地本身既熟客(包括me)
仲有好多平時冇買liz lisa既人都會入去睇啊~
又避又熱不過最開心都係見到blog友啊~
好開心你認到係我同主動叫我呢.
不過我試完衫出黎唔見左你了.
仲見到2個女仔, 係咁望住我, 自己講野笑咁.
唔知係咪有睇我blog認得我呢! 不過我唔係咁鐘意俾人望住講講笑笑咁囉.
平時係街d人係咁我實啤返佢, 但琴日我冇XDDDD
真係唔知琴晚有幾多blog友見到我了. 其實你地真係可以主動叫我架.
我唔介意架. 因為你地好多都係cd
rom, 一係就有blog, 但吉blog,
有d仲冇頭像. 我根本就唔知邊個係你地,
所以你地唔叫我既話我真係唔知果個係你地架.
去完TST sogo, 我就行左過去美麗華了.
因為佢地買滿$1500就有毛巾set送. 對啊,
係毛巾set,
係一條大大地既毛巾連一個蝴蝶結髮帶. 咁我就去睇下啦.
上到去2位靚靚店員已經係遠處同我揮手了.
我覺得呢間店d店員特別nice,
相比剛才的tst sogo店員, 超cool!!
原來美麗華都有福袋, 係accessories既福袋賣$390. 不過我冇買lu~
都係好驚中左同一樣野.
店員話係飾物果d應該都唔會同我買果d.
店員仲問我係sogo有冇買福袋, 我話冇呀, 驚買左自己有果d. 店員打趣地話,
"福袋應該唔會係你有果d,
因為你買果d款次次都好快賣哂"
其實我都仲心思思想買個福袋呢. 就係因為個紙袋好靚 (覺得自己有d戇居XDD)
店員仲話如果中左自己有既, 可以放返出去.
係就係咁講唧,
有人要就好, 冇人要就慘了.
我係美麗華都買左D野呀! 因為有好多款都係TST sogo唔見有,
唔知係咪未上架.
店員都有問tst既情況呢, 我無意中講左,
果邊話半價果d, 全部都係前年夏天款.
店員忍唔住笑說: "係你地d熟客先認到, 其他人唔知架嘛"
XDDDDD
呢d就係我今日係sogo同美麗華既戰利品. 入面紫色既係sogo既,
另外果d就係美麗華買既,
買左呢個藤籃了, 遲下會影相介紹一下.
其實入面仲塞滿衫添. 好大袋好重咁拎返屋企.
毛巾set!! 花花好靚, 唔係好捨得用囉....
終於到左catalogue啦, sogo冇, 而家暫時得美麗華先有.
不過唔知點解一黎就係summer
vol.2, 咁vol.1呢?!?!?! >.<
spring vol.2跳到去summer vol.2 >____<
好啦! 講住咁多先, 得閒先影相再post. 大家有冇去我專頁睇呢?!
嘿嘿. 我打算遲d upload
d珍藏係果邊. 大家記得留意啊~~~
我的Wardrobe Diary
都會在我的fanpage上發放.
我的Blogspot
