Miss H's Blog: 港人的衣著接受程度

Monday, June 29, 2009

港人的衣著接受程度

有時裝界人士指出, 港人接受穿衣既衣著程度十分之低. 我都非常認同.

相比起其他國家, 香港真係好out!! 可能d人太保守, 見d人著得同自己唔同, 會有歧異既目光.
例如著lolita或者punk既出街會俾人當怪獸咁望. 點解唔嘗試用欣賞既眼光去望人呢?
我都曾經著得型d, 黑色背心, 黑色lace裙同長boot. 點知一入到地鐵全車廂既人都望住我,
連第二邊既人都伸個頭黎望. 我覺得好奇怪, 其實真係冇乜野咁特別.

其實我最近係公司又俾人話我衣著問題. 點解只有我有問題呢! 其他人唔話淨係話我一個?

其實公司一向冇準則規定我地要著乜野衫返工. 但我都唔會著得太過份.
但點知我都係俾人話. 舊年無啦啦俾人話我著得低胸, 又話我好著短裙.
但係有人個胸仲低過我. 仲要專登谷個胸出黎, 個bra拉埋出黎. 呢d就冇人話.
好啦, 我生日專登買條粉紅色雪紡裙. 又係呢個人走黎話我,
"乜你著件睡衣返工, 你都得架喇" 仲要係我生日果日講真係超級唔開心.
人人都話我條裙靚, 係呢個人話我條裙係睡衣. 早幾日佢又話我著底衫返工,
我只係普通著背心短裙. 人人夏天都係咁著啦, 有乜問題. 加上公司唔止我一個咁著囉.
我覺得呢d人, 自己著唔到, 就話人呢樣果樣. 可唔可以眼光放遠d呢.
如果我而家唔著背心短裙, 到五, 六十歲先著咩? 其實我父母都覺得我衣著都冇乜問題.
係有時條裙較短. 佢地叫我唔洗咁在意人地點解, 有d人係唔抵得先會咁講. 話就係咁話,
但係自己點都會唔開心囉!!