Miss H's Blog: liz lisa法國set上身

Thursday, June 24, 2010

liz lisa法國set上身

真係足足有一個月冇係liz lisa買過野, 呢個月只係第二次去睇野. 因為知道法國set返左,

所以先去睇. 琴晚跳完舞又行左去美麗華. 冇去一排又真係好似多左好多新野咁喎!

有個靚靚店員, 好好招呼添. 見我睇緊呢set野都走黎介紹. 佢仲拎埋catalogue話我知,

遲d會返埋另外兩款, 但可惜對另外果兩款冇乜興趣, 長裙果款個滕籃,

我硬係覺得好似上海灘許文強馮程程果d咁....搭火車feel, 個藍用不上.

另一款連身褲, 我咁肥著一定著到件野走哂樣. 同埋個袋我個人覺得好怪雞,

好似要黎去旅行放水樽咁....哈哈哈哈!! (講得太衰了) 見有blog友話呢set野冇得試.

但我係咁行黎行去睇住呢set野, 我就問靚靚店員呢set野有冇得試. 店員話有得試, 超開心呀!!!!

先試白色裙, 係lace來的, 白色lace好靚呢, 我冇白色lace裙呢, 呢條側面拉鏈,
我以為我咁肥會拉唔上, 但係又著到喎! 唔通我瘦左? yeah!!! 哈哈哈!!

加條belt, 錯覺條腰細左, 開心呀!!!! 呢條belt我幾鐘意, 因為我本身好少belt.
多一條belt襯衫應該會唔錯...嘿嘿嘿

再加埋雪紡外套, 見到blog友們對呢條雪紡外衣既評價唔係咁好.
當我見到實物後, 又真係麻麻地喎! 可能質料太薄. 嘗試學結以既著法,
我著唔到果個效果.... 灰... 件野較鬆身, 前面既lace花邊好難先整到靚....唉...

再嘗試另一個著法, 就係專門店掛出黎既配搭, 咁樣著我覺得唔錯喎!
下身突然變左lolita feel咁. 哈哈哈! 我好鐘意呢. 側面睇個人覺得仲靚呢,
充滿歐陸宮延feel, 我真係好鐘意呀!

結果......我敗左呢套法國set啦! 一係唔買, 一買又過千, 真係囉命!!
見到個price tag係寫住hkd2000. 點知到俾$$果陣原來唔洗咁貴, 套野只係$1500.
都ok啦~ 我再問靚靚店員遲下會唔會有埋玟瑰花果set, 佢話遲d會返呀, 一set有5件.
wow! 佢叫我留電話, 到左會打俾我. yeah! 果set又係正!! 應該會平過呢個法國set添.