Miss H's Blog: 可惡的LIZ LISA

Friday, July 16, 2010

可惡的LIZ LISA

今日下晝收到LIZ LISA既電話, 話而家部份貨品做緊8折. 其實本來冇打算去,
但點知今晚去開TST, 就順便去睇下有乜野做緊8折啦...

我去到都成8點喇. 只係得一個人睇緊, 我就慢慢睇, 哈哈!! 有個店員, 我估認得我了,
佢話好多都做緊8折. 其實我有D激氣, 上星期六先買左2件衫, 而家就減價你話係咪激氣丫.
我同店員講, 早知我而家先買啦. 店員話佢地都係今日突然先收到通知話減價,
之前都唔知的. 點知我一拎住後面, 我即刻大叫..."哇~~$990???????????"
2位店員話呢SET好抵而家減價. 我無奈地話, "唉...搞錯呀...而家$990真係激死!!!"
店員問我係咪買左, 我話係....囧...而家SET玫瑰花$990咋....吹漲...真係...頂.....=.=
有乜理由返貨半個月就可以一減就減$210咁多....我話蝕哂呀, 店員叫我著多D補數.
哈哈哈哈!! 真係超級無奈....

今晚試完第一轉出黎好多自由行!!! 店員都好忙, 於是我自己慢慢睇, 拎呢樣試果樣試,
咁就搞到9點幾.囧....原來不知不覺係LIZ LISA逗番左咁耐....

而家諗諗下, 多自由人買LIZ LISA, 一D都唔係壞事!! 我唔會覺得佢地著cheap哂,
反而覺得佢地好識貨喎!!!!! 係佢地眼中LIZ LISA係好靚, 咁事實又真係好靚喎!!!
相比起好多HK人自以為自己好清高, 衣著品味好好, 古代人或者潮童系,
成日批評LIZ LISA好娘, 花碌碌, 好誇張....etc...根本係佢地接受唔到呢個系列既時裝唧...
仲有呀, 成日聽到d人話LIZ LISA d質地差!! 我覺得h&m, zara, i.t....etc...果d衫既質地仲差啦.
話平佢地都唔平, 果日見zara減價諗住入去睇下有冇好野. 點知見到有d衫, 望落去係ok靚,
一拎上手...霉既...但都咁多人搶住買, 囧!! LIZ LISA質地差?
但我拎上手既感覺最少唔會係霉囉...

anyway....今次LIZ LISA真係好可惡....特別係玫瑰花set!!!!!! 可惡x10000000000

不過之前覺得$1200貴既blog友們, 而家減到$990, 可以考慮下啦~~~~