剛剛上星期四, Liz Lisa專門店突如其來一大堆蝴蝶結髮飾,
令千千萬萬粉絲讚好, 以及破產!! 真係有史以來, 第一次見到專門店一次過返咁多蝴蝶結飾物. 厲害厲害!!!
繼有粉絲一次過買7個蝴蝶結髮圈,
之後再有粉絲一掃8個蝴蝶結髮圈, 的確好瘋狂.
至於我嘛, 哈哈!! 又沒有這麼厲害,
我呢個投資方式係 "分散投資" <-- 呢個形容詞係咪好好呢,
因為我買既有髮圈, 頭箍, 髮夾, 其他飾物. XDDDDDDDD
好多粉絲已經係專頁果邊展示左戰利品.
我嘛? 未影相呢, 好懶, 懶得很. 其實之前買果D影哂相, 影埋試範相都未出文, 可能到時出文都已經out哂lu~~~
今次先示範呢個超巨型蝴蝶結頭箍!
第一次見咁鬼大個蝴蝶結! 由於佢係絲絨質地,
蝴蝶結非常立體. 係專門店試戴果陣, 真係囧囧囧!!
因為可能冇set頭, 就咁戴起, 個頭頂舉起左一舊野咁.
但眼見店員戴得超靚!! 可能店員加左半頭假髮既關係.
蝴蝶結睇起黎冇咁大. 我都考慮左一陣先決定買.
我要左粉紅色, 因為粉紅色可愛, 自己又勁鐘意粉紅色,
但戴出街可能會俾人話低能. 話之d人死.
我就係低能, 呵呵呵....
本身睇中左酒紅色果個, 真係超靚,
可惜我戴起上黎怪怪地. 唉~~~~~
蝴蝶結另一邊, 頭箍腳果度有個liz lisa心心牌, 超別緻!!!!!
不過我手震影到矇左.
蝴蝶結好大個, 仲有厘士. 其實個款係同髮圈有d似架.
但蝴蝶結4塊邊, 上面兩塊係大d既~~~
拎起左, 就易d睇到了. 我就覺得大塊嚮前面靚d咁.
所以我會把蝴蝶結戴去右邊. 戴右邊同時會顯得蝴蝶結冇咁立體.
自然d添~~ 而家就到我示範啦....
第一款 : 我加左半頭假髮. 但自己頭髮都放左落黎.
蝴蝶結睇起黎真係冇咁大喎!
但預左咁既打扮一定出街喪俾人望同俾人講...... >.<
但呢個蝴蝶結真係set左頭先好睇....
第二款 : 依然都係加左半頭假髮.
不過將自己既髮全部束起.
不過梗係覺得第一同第二款既感覺都係怪怪地,
要再研究一下點先好睇d....
其實就咁戴都ok既~~ 影相可能好d,
但係就咁睇又的確勁大個, 都幾搞笑下. 哈哈哈!!
呢個頭箍返工應該都唔會戴了, 留返去街先戴. 哈哈!!
官網終於有圖了, 但係就冇左紅色喎!
有諗過點解唔買埋紅色呢?! 呵呵, 不過有一個粉紅色就夠了.
我的Wardrobe Diary
都會在我的fanpage上發放.
我的Blogspot
我的微博
http://weibo.com/misshxlizlisa
我的DIY手作專頁 - Babydoll Handmade
http://www.facebook.com/BabydollHandmade
我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
No comments:
Post a Comment