Miss H's Blog: Liz Lisa 2010 福袋

Friday, January 15, 2010

Liz Lisa 2010 福袋

好耐冇更新個blog lu~ 實在太懶喇!! 而家連wd都冇影了, 可能真係冬天既關係啦, 哈哈!!

今日因為好開心係liz lisa shop買到福袋, 所以更新一下.

之前都想跟代購買, 但係最近知道原來sogo有喎, 仲平過代購添呀! 仲有得撰款式.

知道15號開始有得賣. 14號就去睇下先, 問過店員佢地話一開鋪就有得賣啦.
所以今朝請左2個鐘頭假去買. 因為每款得20個, 到放工去可能真係冇哂,
8款又可能俾人撰哂lu~ 所以今日買完先返工啦.

sogo 10點開, 我10點鬆d去到, 點知原來有人比我更早就去到. 勁呀!!

佢地仲已經買緊添喇. 真係快手!! 不過真係超抵. $690一個福袋.
係日本或者代購買都冇得撰入面係乜, 但係佢地已經放哂出黎, 任你撰要邊一款福袋.
好彩一早去咋, 如果放工去可能冇咁多款我撰喇, 之前見代購都係得淨色既福袋,
但係shop有埋花柄呀!! 好靚呢!! 老實講, $690, 普通一個手袋都要咁多$$$,
而家入面仲有2件, 有d有3件添. 真係抵到震呀!!!

另外我仲有我恨左好耐既喼呀! 上年3月cwb sogo shop開果陣都有買滿好似1千蚊就有既喼,

我遲左去送哂, 一直都好想要. 點知今年又有喇, 今年既比舊年果個更加靚, lace更多!!
福喼有2款, 淨色同花柄, 而入面既衫都係唔同架, 都show左出黎. 個喼我鐘意淨色果個,
真係超多lace, 超公主, 超夢幻, 但係入面既衫, 我鐘意花柄入面既衫多d,
因為我鐘意佢條one piece, 其實入面既野都係有件大褸, one piece, 冷衫, 背心, 帽咁樣,
只係款式唔同. 兩個喼要撰一個真係人生交叉點. 如果買個超公主lace喼, 入面既衫冇咁鐘意,
但係花柄喼, 唔太鐘意但係都鐘意, 但就鐘意入面既衫, 於是我撰左後者, 買左花柄喼set.
因為冇可能買2個喼囉, 如果我發左達就會買哂. 哈哈!!

我買果陣, 同走果陣都陸續有人入去睇呀, 真係冇諗到開門半個鐘內已經有咁多人去睇.
真係好好彩今朝買左先返工. 嘿嘿.