Miss H's Blog: 結怨

Tuesday, March 2, 2010

結怨

自從過年之後都好少update個blog. 真係冇乜時間, 超多野搞.

加上覺得一過年好似不停同人結怨咁. 搞到自己有d唔開心.
大部份發生同人有爭拗都係我最喜歡既廸士尼入面發生. 講真我真係有d唔開心.

其實我都唔知會唔會係自己既問題. 我已經好忍讓, 好聲好氣,

但俾人惡言相對. 點解d人咁不可理喻....

好似有條友企係我隔離, 把傘係咁篤到我個頭, 我搵手推開N咁多次,

把傘依然都係篤落黎, 佢好似都冇感覺把傘俾人係咁推開. 我推左十幾次之後,
我好想好氣問佢, "唔該可唔可以拎開少少呀, 你把傘不停整到我"
點知個八婆一野鬧我, "我咪(吞)開左囉, 仲想我點呀!!!" 點解d人整到人仲咁鬼惡架!!!!
於是我就話, "你把傘不停整到我, 唔係想你點, 點解你整到人仲要咁惡鬧人???"
點知個八婆怒啤我..... 吹漲...

有次睇巡遊又係, 我企係度, 前面有人坐, 有人係右面迫住我都郁唔到,

後面又有人迫住我, 有個大陸男人推個細路係我度, 要我俾個細路企我前面,
但前面有人坐左係度跟本冇位, 我同佢講, "前面冇位喇..." 點知佢啤住我,
到完左巡遊一路行仲要一路啤住我.

睇跳跳鼓... 我同朋友一早企左係度, d人一聽到廣播就衝埋黎,
有個大嬸迫到我企都企唔到, 佢出盡死力迫住我. 我一路都單腳企, 佢都仲要迫,
我就問佢, "唔該可唔可以唔好咁樣迫我? 我企唔到" 佢就大聲鬧我, 話冇迫到我喎,
仲要不停話返我, 仲要鬧我話係我迫佢. 哈? 真係好笑. 我最憎俾人迫,
我又點會走去做我最憎既野去迫人? 痴孖根...

琴日係糖果店. 我同朋友都見到有2個細路走左入人地個cashier入面跑黎跑去,

我friend話, "哇, 點解走去人地d cashier度跑, 冇人理既?" 我話, "佢地頭先都跑左好耐架喇,
d大人都唔睇住d細路叫佢地唔好走入去" 點知冇理繼續一路行一路睇野,
點知無神神有個男人行埋黎我身邊講, "豬扒就唔好著到咁啦" 講完就行左去.
心諗你乜水呀? 之後我搵返個朋友, 我同佢講有條咁既人講d咁既野,
之後呢個男人又係我朋友方向出黎, 佢望住我, 我望住佢....
之後我知乜事喇, 佢行過果陣我話, "哦~~ 原來果2個細路係呢條7頭既"
係呀, 我真係鬧佢7頭呀!! 鬼叫佢話我豬扒呀!!! 哼!! 之後冇幾耐唔見左呢條友啦~~
走去人地cashier玩唔理d細路仲要鬧人地, 呢d人真係有病...

呢排成日都同d唔識既人結怨. 覺得可能遲早分分鐘俾人打死,

我真係唔知究竟係咪真係我既問題..... 當我俾人打死左之後,
呢個blog將會成為歷史....XDDD