連續2日既見面會. 咁難得結以黎. 點都要去捧場.
店員叫我唔洗咁早去. 但我都係心急. 開頭打算11點就到, 結果11點幾先出門口. 去到都成12點. 一入到美麗華門口.
哇~~~~~~ 好大個台呀!! 一陣就係要上去同結以影相呀.
一定好多人圍住睇啦.
上到去專門店冇乜人喎哈哈哈!! 又捉蟲了. 哈哈哈!!
同店員傾左陣啦. 企係店入面等好似好古怪咁.
店員叫我去starbucks坐坐, 但我又唔想,
淨係坐唔買杯野霸住個位又好衰咁 XDDD
其實我唔想飲野係怕一陣排隊突然要去廁所.
不過最尾都係行開去搵個地方休息下.
廢事企係人地鋪頭阻住人地做生意啦. 哈哈哈!!!
於是我搵左個地方坐一陣, 之後又行左去,
因為有個哥哥係度mic check好嘈呀 XD 心諗一陣可能有d野睇喎!!!
覺呢個位好正. 於是我企左係呢個位等我朋友黎.
咁佢就可以幫我影相啦. 因為怕樓下太多人.
所以拎埋支長鏡出黎, 咁可以借俾我朋友幫我影啦.
yeah!!! 呢個位的確唔錯啊!!
等下等下, 越黎越多liz lisa/結以fans黎到喇.
見返琴日見到既朋友真係好開心呀!! 我地一齊傾住一齊等開始.
真係好興奮又緊張. 其實我地真係好觸目架.
因為差唔多個個都著住liz lisa, 企哂係個台前.
好多人係度影我地. 囧!!
等左幾個字之後, 終於可以開始排啦. 起初我地排電梯口的.
分開左兩邊條龍咁. 店員細細聲走黎問呢個位O唔OK, 因為一陣結以係呢條電梯落黎啊. 我地真係好興奮,
好快就話好ok了 XDDD
之後見到有其中一個liz lisa老細走過黎用廣東話講咩 "屈返入去排"
之後店員就同我地講, 介唔介排去前面. 但我地想見到結以落電梯.
但店員話企果度都會見到的. 於是我地過去排,
但點知前面排緊既再行前左, 變左我地過左去,
我地成班圍左係台下面了. 結以落黎之前.
MC做左個短短既Liz Lisa介紹. 仲介紹左今次條限定one piece添,
真係辛苦店員要將呢個架抬上抬落了.
介紹完畢之後, 結以就落黎同大家見面, 仲有一個好短既訪問,
真係超開心. 不過我冇影到相, 因為我拍左短片 XDDD
我地個位仲岩岩係正結以前面添.
呢個時候終於明白佢地叫我地企去前面既用意了.
就係想我地睇到所有既節目呢. Liz Lisa對我地真係好呀!!!!!!
今次我拎左結以本寫真集俾佢簽呀. 好開心呢.
我feel到自己面都紅哂. 哈哈哈!! 之前果日著平底鞋矮過結以,
今日著返高爭鞋同結以一樣高了, 因為我同佢一樣都係162,3cm. 嘿嘿嘿!!!
影完相落返去心情仲係好興奮. 影左好多相. 結以真係好靚呀!!
影到blog友Ariel呀!!! 嘿嘿嘿~~~
最尾我地有大合照呢. 因為某d原因, 大合照變得非常美好. (大笑中)
知我講乜既朋友請大笑吧 XDDDDDDDDD
最後結以返左上去同店員影相呢. 我
朋友影左結以一張超級靚既相. 下一篇會發放, 記住留意了!!
我將會努力更新個blog, 唔會受一d腦殘既廢物影響自己.
好多謝你地係blog同fb度留言支持我. 好感激你地每一位.
我們都是善良的人. 果d廢物由佢自己癲飽佢吧.
大家都無謂去留意佢了.
我的Wardrobe Diary
都會在我的fanpage上發放.
我的Blogspot
我的微博
http://weibo.com/misshxlizlisa
我的DIY手作專頁 - Babydoll Handmade
http://www.facebook.com/BabydollHandmade
我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
No comments:
Post a Comment