Miss H's Blog: 2011-06-10 CWB Sogo Liz Lisa 結以來店 ~ 見面會 *香港第1站*

Saturday, June 11, 2011

2011-06-10 CWB Sogo Liz Lisa 結以來店 ~ 見面會香港第1站

終於到左今日喇~~ 好似等左好耐咁.
本來諗住下晝先去, 但又怕會多人, 所以一早就去左喇.
去到都冇人, 只係見到位blog友同埋偷我相貼係自己微博鬧我果個衰神.
早知原來冇人咁早去, 我就唔洗請成日假去啦~
結果買完都返左屋企. 哈哈哈哈!!!

店員送左一張宣傳單張俾我. 好開心啊~~

之後2點幾出門口去到3點鬆D, 上到去, 直頭冇人添. 只有店員.
唉.... 早知遲多個鐘先出門口啦... XDDD 結果周圍行下.
4點幾再上去, 終於見到有人等了. 見到好多位blog友, 好開心呢~
全部都係第一次見. 但唔知點解第一次見都有好多野傾咁.
(原諒我有時講埋D無聊野而大家又唔知我講乜.. XDD)

4點半左右, 有個工作人員叫我地行去一個地方排隊, 欄左繩....
頂.... 男廁條走廊, 吹漲. D男人/男仔,
行去廁所時有D個樣顯得好尷尬呢~ 因為好多女仔啊~~ XDDD
亦都有D人見到有人排隊係度觀看我地排乜野... HAHAAHA
可能有人傾講既關係, 唔覺唔覺話咁快就6點了.
唔知點解我好緊張. 仲覺得有D凍. 覺得自己突然變左宅男 XDDD
見到女神緊張到暈了....

之後幾個幾個咁行返去店入面. 我第一眼見到結以既係佢既背影.
好想尖叫同大叫. 哈哈哈!!!!!!!! 佢真係好靚女呀~~~!!
咩角度都係咁靚... 同埋佢真係超瘦..... 我同佢講左幾句有限既日文,
佢好開心拍手掌, 勁cute!!!!! 佢真係好nice啊~~
影完相, 同佢握手, 仲要兩隻手, 送簽名poster俾我, 仲雙手俾張相我.
仲兩隻手同我握手. 佢隻手好軟同埋好暖呀!!!!
(死喇, 我D宅男病又出哂黎XDDD) 握完手佢見到我既gel甲, 仲話kawaii添!!!!
令我更加鐘意佢

post幾張佢既相先.....