Miss H's Blog: Liz Lisa毛毛腰鏈, 連小偷都喜愛!

Thursday, October 6, 2011

差唔多成個月冇update個blog啦, 封哂塵啦. 真可惡!

明明影好哂d相, 但又懶唔執相又唔打blog. 太過份了.

我仲未升級個blog呀. 話之佢啦. 煮到埋黎先食 XDDD

最怕就係又要set一大輪野.

今篇blog主要都係講下今季一條好靚既毛毛腰鏈,

連小偷都喜愛呢!!
之前係官網係就係見到呢條腰鏈, 係好靚,
但我完全冇見過實物. 我係知有返貨,
但去到果陣已經冇喇. 諗住賣哂啦.

之後去到澳門先見到呢條腰鏈既實物.
但果陣冇諗住買. 但上次tst sogo送化妝袋我就去睇下啦.
買左件披肩同背心仔, 差少少就夠數可以換到化妝袋,
咁我見tst sogo仲有一條, 一試之下好喜歡. 咁我就買埋佢啦.

我張相同官網張相, 擺既方向調轉左... XDDDDDD
側面有個蝴蝶結真係超可愛!

中間有兩層珍珠鏈, 加埋有閃石既心心吊飾, 超華麗!!

鏈尾仲有一個毛毛球啊. 毛毛球上仲有一個蝴蝶結. 可愛到暈.

呢條鏈真係超華麗呢, 靚到唔捨得用.

好怕D心心會跌左. 咁靚既腰鏈, 係人都鐘意,
連小偷都好鐘意添喎! 係呀, 你地冇聽錯,
的而且確有小偷呀!

話說我最常去美麗華分店. 因為放工去呢間比較近.

但呢條腰鏈冇出現過係美麗華喎. 當時以為賣左啦.
咁我又冇要求check其他分店,
因為呢條腰鏈都唔算話真係一定要得到, 咁就由佢啦.
之後有次同店員講起. 我係tst sogo買左條腰鏈.
店員既面色就有變了. 佢地好凝重咁同我講,
佢地2條腰鏈都唔見左. 唔怪得我見唔到實物啦.

當天店員拆貨後, 點完貨. 就group埋腰帶同腰鏈一堆.

到執貨果陣, 2條腰鏈都唔見左. 俾人偷左啦.
唔知邊d人手腳咁鬼唔乾淨, 衰到要去偷野.

To: 賊仔

你想擁有呢兩條腰鏈, 唔該你賺$$$去買啦.

cheap到要去偷, 當你用果陣, 你都會記得呢兩條鏈係偷返黎,
你個心會舒服咩? 你良心過意得去嗎? 咁話唔定你唔係要黎自用,
係要黎炒賣啦. 你呢d $$$賺得一d都唔光彩!!!

仲有你知唔知d店員俾你害死呀. 唔見左d貨佢地要賠架.

兩條腰鏈大拿拿8百幾蚊呀!! 你知唔知一個打工仔打工為乜?
就係為左$$$, 而家人地為左滿足你既貪念既慾望,
份糧俾人扣左8百幾蚊呀!!! 死仆街!!!!!
(唔好意思, 我真係忍唔住, d人太過份)

所以而家有傳唔可以係客人面前拆貨.....etc... 我覺得絕對合理!!!

公司都要保障返自己既員工, 唔可以再俾同樣事件發生.
d賊仔偷得一次, 就有第二次. anyway, 經過一輪研究.
賊仔已經呼之欲出, 只係冇足夠證據! 唉.....

係度等我呼籲賊仔: 你小心d呀!!!!! .\ /.###

好喇講完..... =.=""
希望我好快會再出blog啦....

我的Wardrobe Diary
都會在我的fanpage上發放.

也會分享我的生活點滴, 歡迎大家加入.
http://www.facebook.com/MissHxLizLisa

我的Blogspot

Thursday, October 6, 2011