Miss H's Blog: 形象轉變

Thursday, September 3, 2009

形象轉變

一直都好想貼返D舊相. 因為發覺轉變真係幾大. 呢幾張相係我舊年影的.

衣著打扮同而家明顯有好大分別. 一直都好喜歡Lolita系列. 但身邊冇乜人接受.
最記得早幾年星期日檔案有個專輯係講Lolita, 好羨慕d女仔有勇氣著出街,
因為自己好想著, 但唔敢, 好怕人地既目光. 仲記得第二日星期一返公司,
人人都談論星期日檔案既內容. 有d同事知我鐘意Lolita, 唔會講太多,
但有d人明知我鐘意Lolita, 就偏偏大肆批評,
又話鐘意Lolita既人思想有問題扮到自己成個公仔咁唔願長大心理明顯有問題.
果陣我記得自己嬲到掟野發皮氣!! 哈哈!!

基於唔敢著華麗既Lolita, 於是我只係著黑紅Lace咁啦. 係咪叫Gothic Punk咁上下?

唉, 唔知呀, 是但啦~ 有d Avril Lavigne, Nana果d呢.... 果陣我就係經常咁打扮.
因為覺得黑色lace應該出街唔會咁多人望呱. 哈哈!! 結果都係有人望....
不過都算好, 果陣係西洋菜街見到有Lolita黨, d人真係圍住睇. 唔知乜事咁,
街頭有人J punk, d人當佢異形. 好明顯係文化既問題. 心諗, 係日本真係冇人理你. @o@
好想好想打扮到成個粉紅色洋娃娃係日本街頭, 一定行得好自由自在. 哈哈.

有時唔知點解人越大就越想變返細個... 30歲著Lolita? 邊個話唔得!! =.=
好過d幾歲大既細路哥扮大人, 成個老人精咁. 呢d仲恐怖啦. 正所謂人一世物一世.
點都要試下Lolita. 我已經訂左喇, 哈哈! 好祈待收到一刻.

以下係我舊年影既相. 講出黎唔好笑我. 呢d相全部係我自拍.
我係公司廁所OT時悶悶地走入去影的. 哈哈哈!! 以前既one length, 俾我自己剪左前陰啦.
係我自己剪架!! 哈哈!! 自己可以就到面型慢慢剪, 俾人剪我反面唔放心, 剪衰左就大鑊.