Miss H's Blog: Liz Lisa會員制

Saturday, September 19, 2009

Liz Lisa會員制

今日去CWB sogo Liz Lisa買件抖蓬, 見到有個牌寫住夏天款7折, 買滿800元可做會員.

(心諗...買800蚊野容乜易丫....) 咁買完野之後都唔見店員有提及, 咁我就主動問下啦.
店員話, 遲下會有會員制, 話日本公司會係香港搞會員制, 應該係年底或者出年年頭既時候.
之後我就話出面個牌寫住我仲以為而家有添, 點知店員話返我知原來個牌係隔離kilara既...
好瘀皮...但又好好笑.

其實我覺得呢個店員似係店長. 佢知道好多野, 同埋佢對客人既態度比另一位好.

因為另一位店員好呆的. 呵呵~~ 同呢個疑似店長既店員傾左一陣, 佢話遲下會再有分店,
會係尖沙咀區. 但選址會近地鐵站. 咁就方便好多了. 因為尖沙咀sogo個位係超級唔就腳囉... =.=

見到有好多10週年特別版既產品. 現場睇真係好靚好華麗!!! 可能配上店內既裝潢,

真係見到好多件都好心動. 但產品來貨唔多, 每件一兩件, 仲要去得超快.
早兩個星期我想既抖蓬, 有3色. 粉紅, 啡, 白. 粉紅色一早賣左. 啡色最後一件琴日都賣埋,
得返白色. 好彩白色係我想要既. 嘿嘿!! 我仲同店員講, "我仲以為而家仲咁熱, 未有人會買"
店員話佢地都好我咁諗, 但係d人唔理, 照買, 冇哂lu~ 仲有之前我post過一頂粉紅色既毛毛帽既!
今日我見到既係得淺啡色. 我問店員會唔會遲d會返粉紅色. 佢地話未知, 因為之前返兩頂,
一頂白色, 一頂淺啡, 白色已經賣左. 唉....

而日本好好賣既福袋, 係香港應該唔會有咁話. 因為福袋真係超低,
店員話係香港做唔到咁既價錢, 應該都唔會有喎..... =.=

今日liz lisa之旅報導係咁多...XDDDD 整理左D相之後再貼上黎分享我買左邊幾件啦~