Miss H's Blog: thankful week第一日

Saturday, May 22, 2010

thankful week第一日

琴日係sogo半年一度既thankful week!! 係我今年第一次神早就去行. 11點半左右就去到.

諗住一早去冇咁多人, 點知入面已經超級多人喇!!!!! 過左一點更加水涉不通~

第一站去左mac, 買佢果個睫毛set! 買埋假睫毛4號同7號.

點知到俾$$果陣個店員問我有冇現金, 我果陣又冇禁機得信用咭.
點知店員話要等起碼半個鐘至2個鐘. 囧! 超誇張. 心諗咪唔洗買野住?
唉, 算啦, 之後行左ground floor d counter一陣. 就上左去liz lisa啦.

上到去liz lisa又係超超超多人. 但d人只係圍住門口果堆減價, 望一望.

話減價果d全部都係舊年09年summer items! @o@ 見到我果條啡色格仔one piece,
我買果陣890, 而家440. 激死人!!! 我都有撰到舊年既items,
有條one piece係舊年久美子係catalogue著過果條, 但係唔係果隻色啦...係藍色. 照殺,
鬼叫果條買貴左一半, 抵返條數既心理買左啦. 哈哈!!

見到我期待左好耐果個花藍喇, 但我行黎行去都唔見有粉紅色.

問其中一個店員就話賣左粉紅色果個. 之後問第二個店員, 呢個店員超好人,
幫我查下睇下仲有冇分店有, 查到有呀! 超開心, 真係唔該哂.
佢仲介紹左有3條one piece係今次thankful week promotion,
有一條係我之前係官網見到果條呀! 好開心. 再試左一條冇特價既. 啡色好靚好特別.
試完之後有個女人又想要果條, 不過我果條係最後一條啦, 哈哈哈哈!!! 幾驚俾佢搶左. 呵呵.

試完, 係咁睇完一大輪. mac都仲未打俾我叫我去拎.

於是只係叫店員幫我keep住我撰左果d野. 我落去睇睇得未. 好彩店員都幫我keep. 嘿~
落到去仲未有...暈... 於是我行過去anna sui睇. 冇幾耐mac就打黎叫我拎喇,
買少少野等咁耐. 真係暈......

見到突然間好多警察, 食蕉同埋救護員, 之後見佢地抬左個女人出黎, 個女人暈左呀,

吸住氧氣咁走..... 之後上左十字車....可能真係太多人所以迫暈左... @O@

之後橫點都係, 去anna sui睇埋, 買左2 sets野, 就拿拿聲返上去liz lisa喇.

係我等緊俾$$既時候, 見到有個阿媽同個女, 個阿媽見到有件衫好靚話買俾個女,
個女仔大聲話, "我唔要, 我最憎就係呢d!!!!" 望下個女仔乜料啦, 超~ 原來係潮童!!!

買完之後落去睇鞋, 多人到呢, 試鞋俾人撞頭...痴線, d人行多過買, 最尾我買左2對,

7折真係抵, 話哂made in japan!!! 呵呵呵

遲d等我影左相post上黎俾大家睇我血拚左d乜, 而家就黎放工, 準備去tst sogo行個圈....

睇下呢邊有冇cwb咁恐怖先. 有緣既話tst sogo見啦....XDDDD