Miss H's Blog: 飽餅課程初班Chapter 1

Thursday, August 6, 2009

飽餅課程初班Chapter 1

其實自己平時都會整下蛋糕. 但係只係識好基本既野, 一直都好想學D深入少少. 出
面學整餅, 2百幾蚊堂, 只係教你整個餅出黎就算. 唔係我想要既野.
我一直都有search d course. 日間課程可以唔洗諗, 因為冇可能唔返工去學.
於是不停search短期夜間課程. 有d開左學. 但有d時間唔岩,
但上個月俾我搵到港專有飽餅課程. 不過7點上堂, 對我黎講真係幾趕.
今日我一放工即刻沖落樓搭車, 好驚遲到. 去到冇遲到, 但未齊人....

呢堆就係今日派既筆記, 超多超厚!! 今堂未教整餅住,
只係講解d用具, 工具, 流程, 機器之類既野. 下堂先正式教整餅, 下堂會教2個蛋糕.
好期待. 雖然今堂3個鐘都只係講理論, 但奇蹟地我冇訓覺呀!! 我仲好叻咁同媽咪講,
"今次我好叻呀, 3個鐘頭齋聽阿sir講, 我竟然冇訓覺!" 媽咪話,
咁即係我對呢樣野好有興趣先唔會訓喎! 哈哈哈!! 我都好希望堅持到, 一路讀到上高班.

P.S. 其實唔明點解我每次去讀一D課程, 都硬係有D人鐘意係度"拋書包",

有時又會懶係發問D好深奧既野, 一係就要笑阿sir講埋d係人都知既野.

最慘既就係. 我同呢幾個人一組. 佢地食香口膠食到答答聲, 玩筆玩到啪啪聲.

仲要呢幾個人睇個樣都有40幾. 點解會做出呢d野呢?! 你去上呢d課程.

緊係唔識先去架啦, 唔好忘記呢個班級係"初班" 係咁叻既話唔洗黎上堂啦!

自己做師父都得啦!! 我覺得你去得上堂, 不論學習既內容係乜, 就要虛心去學習,

就算果樣野係識既咪聽多次囉. 有d人係完全唔識去上堂架. 慨然俾得幾千蚊去上堂,

就要專心, 虛心, 同埋專重!!