Miss H's Blog: o靚模效應帶來的反效果!

Thursday, August 6, 2009

o靚模效應帶來的反效果!

自從那位出位o靚模話令到男人有幻想, 唔係點做女人.... 我發覺....

街上d男人多左好多變態佬!!! 鬼叫個個o靚模都要用個胸黎搵食!
仲要出埋d古怪東西... 搞到而家成個社會既風氣都俾呢班無知小妹妹搞到敗哂!!

話說今晚放工我搭巴士出尖沙咀. 架車都坐滿人, 我只好企係下層.

其實我企係度一陣, 我都唔知有個變態佬的. 因為我唔會逐個人望. 只係有個位企,
唔好整到人就ok. 點知突然望一望, 坐係度果個男人. 應該4-50歲,
隻眼望住我個胸定左形唔郁. 其實我今日係著左Liz Lisa既吊帶背心. 其實冇野睇到.
但可能係背心既關係, 呢個男人望住我個胸眼都唔斬. 我第一時間我係拎轉身背住佢企,
我再有望呢個人仲有冇d奇怪野. 因為附近有呢d人一定要好小心. 點知我發覺佢望住我對腳.
佢手仲要拎住個電話放係自己大脾, 感覺上好驚佢會影我裙低. 我一直都望實佢,
但諗下架車咁多人唔會真係偷拍咁離譜呱. 當我側側身叮實佢果陣,
佢隻眼又望返上我個胸度. 我唔知呢位叔叔係咪成日睇o靚模睇到癲左.
出到街都唔放過其他女仔.

到我返到屋企樓下, 有個廿零三十歲既男仔. 無啦啦行過我身邊, 望住我, 同我hi.

我覺得佢個神情好古怪的. 於是我冇理到. 係咁急步走返屋企.
一邊行一邊望後面睇下仲有冇變態佬....

老實講, 背心短裙. 其實普通到不得了. 夏天就係咁著啦. 背心又唔係細件,

短裙又唔係迷你裙. 點解都會咁樣?! 曾經聽過人講. "著得靚, 自己覺得咁著好靚,
唔誇張, 唔暴露, 有乜問題?" 我很同意! 但亦都聽到人講過. "著成咁, 係俾人望架啦!!
唔想俾人望點解著成咁呀? 著到咁就係想人望, 俾人望架啦?" 呢點我好反感.
亦都反影左呢個社會有呢種諗法既人有呢種思想人很非常愚昧!!