所以琴晚去左了. 果對boot就係下面相結以著果對. 有個蝴蝶超勁靚!!
出面d款太普通唔鐘意, 呢對太靚, 忍唔住冇折都買左 >.< 不過琴晚既店員好唔掂!
有一個係ok既(呢度叫佢A店員啦), 另一個就(叫佢B店員啦)..... 咁見佢d日本碼2,3號,
咁我唔知我應該著乜野碼丫嘛, 我咪問下A店員平時如果著開37,38咁應該係著幾多號呢,
咁佢唔知, 就問B店員. 點知呢個B店員好寸咁同A店員講, "你望住我做乜呀, 我都唔知喎!"
心諗, 俾說話我聽咩而家!!! 我就係你地面前!! 搞錯呀!! 你最多咪話, 你地唔清楚,
2個碼都俾我試囉, 洗乜咁講野!! 之後B店員話, "平時有D客37著3號, 有D就著到2號.
跟住A店員就話, "不如你試下2個碼丫, 睇下邊對岩?" A店員服務態度都OK既,
之後我係度睇緊結以著果件春裝, 點知我聽到有人講粗口. 初初我以為聽錯.
到我試完衫俾$$果陣, 我真係聽到有人講粗口, 係不停講, 係B店員不停係度講,
乜野能呀, 乜野柒咁樣. 我覺得, 講粗口其實冇所謂, 問題係有客人係度.
你又係度做SALE, 影衰哂成間鋪囉!! 唔好話做LIZ LISA既SALES,
做其他店既SALES都唔應該大大聲係度講粗口囉!!!!!! 唔知可唔可以打去LIZ LISA度投訴!!!
以前好NICE好多野講係咁叫你試呢件試果件D熱情店員唔知去哂邊,
而家變哂呢D MK店員!!!! 以前去買衫次次都好開心, 而家次次都唔開心.
琴晚我就試左呢條裙啦, 有3隻色. 白, 粉紅, 粉藍. 粉藍一早俾我out左啦, 得返粉紅同白,
我都係覺得白色好d. 自然d, 草原d (草原d???? XDDD) 件衫真係好修身, 一d都唔似平時果d著左似大肚...哈哈!! 不過睇黎我都係要減下肥,
我著同結以著好明顯一個勁肥囉. =.= 所以由今日開始地獄式減肥.
一定要瘦瘦瘦瘦瘦瘦~~~~
呢對boot真係超靚. 以為好高爭, 但著上去又唔係真係太高, 因為前面都高高地.
著左入去之後, feel到成個鞋底都係軟林林好舒服.
琴日都見到結以頂帽....但冇試.....d 店員唔得, 廢事試完唔買係背後俾人鬧... =.=
我的Wardrobe Diary
都會在我的fanpage上發放.
我的Blogspot
我的微博
http://weibo.com/misshxlizlisa
我的DIY手作專頁 - Babydoll Handmade
http://www.facebook.com/BabydollHandmade
我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
No comments:
Post a Comment