Miss H's Blog: 某d liz lisa顧客好臭寸

Friday, February 26, 2010

某d liz lisa顧客好臭寸

我發現一個現像, 其實都唔係最近發生, 係專門店一開, 我已經發覺. 就係,

某部份既客人, 望落去俾自己年紀大既顧客. 好多都好鬼寸. 次次都要啤住我,
都唔知乜事. 仲要扮哂野咁, 隻眼生係頭頂黎望人果隻. 好似得佢地先有$$買咁. 超!!

有好多次都係, 我撰完d野俾$$$, 佢地又話要俾$$$, 唔知點解我俾左先,

佢地岩岩俾, 都要搵個身去頂開我, 之後又要啤下我買乜, 係個頭抬高,
隻眼射返落黎果隻. 有次有個女人. 買2件夏天背心, 人地俾個細袋佢,
之後佢啤住我. 佢見到我個係大袋, 因為我買左幾件人地俾大袋. 佢啤完我,
佢就同店員講, 點解唔俾個大袋佢.

琴晚我去tst店買! 有個咩chanel既女人又係咁, 我係度等緊張單,

佢話要"埋單"仲要搵個身頂開我啤住我. 我又唔係唔讓俾佢,
一見有人行我都即刻退後幾步俾佢行, 都仲要啤我, 咩chanel大哂呀?
睇唔起我咩naraya????

上星期去澳門又係, 難得有tralala緊係試下啦, hk冇嘛. 我試完之後,

試埋liz lisa頂新既牛仔帽, 店員同我介紹緊. 見到有個國語女人係更衣室行住catwalk出黎,
一出黎見到我隻眼又係生係頭頂望我. 條友仲要試住人地套衫, 走出黎撰另外既衫入去試.
又係度埋鏡拼. main point就係度, 果陣我係度試緊頂帽, 我話頂帽好似好細我個頭超大,
店員同我講話, 呢隻帽好少有, 好靚. 點知呢個女人, 拎住件衫就埋去我睇緊塊鏡度.
我見到佢要照鏡, 我咪行過少少俾佢囉, 大家一齊照冇乜野唧, 點知有人好霸道囉.
突然間搵自己個身cover左我. 我真係慶, 點解有人咁老土.

老實講, liz lisa唔算係乜野超級大名牌, 呢d女士洗唔洗寸得咁緊要先!!!

坦白講, 同年齡or細過我既女仔去買, 係冇出現過呢d情況,
只係望落去年紀大過我果d人先會係咁囉!!!!!

好嬲, 講左出黎舒服左d...