Miss H's Blog

今年過年冇外遊, 只係近近地去左澳門玩一日, 本來打算過夜, 但係酒店實在太貴了.

算啦, 都係早去晚返. 果朝搭左8:05班船. 點知我唔知醒. 成7點先起身, 結果要飛的去碼頭,
嗚~ 本來7蚊既車貴變左70蚊. 唉....激氣.

第一站係威尼斯人, 係碼頭就搭車去左啦, 我地去到果陣真係冇乜人. 可能仲係好早既關係.
不過竟然澳門唔係商場禁煙, 係周圍都食得, 唉....一見到人食煙我就要雞咁腳走,
因為真係好臭....突然覺得香港好好... 第二次黎到威尼斯人, 感覺好熟悉.
好難得可以影一d相係後面冇人. 嘿嘿. 身後排燈真係好靚啊!!

放假前買左個魚眼鏡, 好得意, 帶埋去玩, 自拍一張先, 呢個鏡頭雖然係加係kit鏡面,
但係都好重呀...

黎到呢個廣場, 我記得上次黎有女高音係度唱歌, 真係好想再睇, 因為好好聽. 但係今次冇.
係有個人係度彈琴, 之後先見有人玩變臉. 於是係度留影左幾張.

到12點幾1點. 終於有d野睇下了. 出現左呢個人肉石像呀! 哈哈!! 好多人圍住睇.
有d人仲睇下係真人定係假人. 哈哈! 其實我真係好想睇下佢點樣出場同離場囉.
下次黎我諗都係最尾先到威尼斯人好d, 好想睇既表演因為太早都未出.

正當差唔多離開既時候, 突然見到Naraya既專門店, 好意外.
我係直頭唔記得左呢間野澳門已經開左專門店. 一直覺得只係泰國有, 哈哈哈!!
呢隻袋, 又平, 又靚, 又好用, 又易襯衫, 一見到呢間野果陣我已經一支箭衝左入去喇.
以下就係我既戰利品.

左下白色袋, 右面花花袋, 中間長方同右面正方既, 都係威尼斯人間專門店.

白色果個全店得返一個. 呢個真係好靚, 要黎襯liz lisa一定好好睇. 花花果個同白色一樣款,
但係花花款. 可以要黎襯liz lisa既淨色. 唔錯唔錯. 中間既就係買黎放相機同鏡頭用.
就唔洗咩袋咩到一邊好重了. 方型果個, 就係要黎放飯盒返工用.

其他果d就係o係大三巴專門店買. 早知大三巴有遲d先買, 拎左我咁耐, 呵呵~

不過大三巴冇白色呢個袋喇, 睇黎白色呢個真係hot item喎! 左上個粉紅色.
個款有d似speedy. 佢有個大d既size, 有蝴蝶結, 但係覺得我拎細個好睇d咁.
另外有一款玫瑰花小船袋都好靚. 但係唔買咁多, 怕用唔切. 左面果個就係船袋.
大少少既size, 可以上到膊, 扭麻花既帶. 細d果個上唔到膊, 但有款粉藍花都好靚.
下次去打算買. 嘿嘿. 下面一個係紙巾套, 同一個眼鏡袋. 早排唔要心俾我坐爆左個眼鏡盒,
哇哈哈哈哈哈!!! 呢個岩哂!!

澳門有專門店, 就唔洗同d賣定買啦. 新年去澳門真係勁多人, 仲有d相未整好, 整好再post~