相信都係一眾Liz Lisa迷每年期待既日子吧. 今朝好早9點起左身喇.
諗住10點去到Sogo, 點知我搞到成10點先出門口. 囧! 去到CWB Sogo都10點幾,
見到福袋已經放哂出黎, 好多人聚埋係櫃檯附近. 顧客們都係度check福袋.
但係我見到有人check 10點既福袋, 點解唔見放出黎既?
於是就問店員了. 竟然淨返一個呀!!!!! 咁快賣哂既?!?!
店員就幫我hold起了. 之後我再睇其他, 都聽見有人問呢個福袋呀, 但係冇了.
好彩我行快一步咋. 唔係都買唔到, 估唔到D人真係早得咁緊要. 哈哈哈!!
到我check呢set既時候, 店員一路拎出黎俾我睇果陣, 我勁想大聲尖叫.
但我怕人地以為我傻, 我心入面尖叫算....XDDDDD
我去到果陣, 普通喼款同袋款俾人搞到亂哂, 我都唔知邊款打邊款,
見店員得閒D先問店員, 佢地真係好nice. 逐款解釋.
原來今年淨色喼同碎花喼都有各2 SETS可以撰呀!! 唔錯喎!
不過4款喼有3款喼都係白色大褸仲要差唔多款. 店員話一款碎花喼入面既items好靚,
我都覺呀, 件花花冷衫同啡黃色裙褲我好鐘意. 但係件白色大褸, 同我著緊果件咪差唔多?!?!
店員都話係似呀!! 我呢件就係舊年福袋果件了. 但呢件又唔係一模一樣既, 袋口見到有蝴蝶結, 舊年果年就冇啦. 諗緊好唔好買, 將舊年冇蝴蝶結俾左阿媽. 哈哈哈 (正衰女!!!)
不過我最後都係撰左淨色喼, 係因為件褸先買. 哈哈!!
我好鐘意個款, 本身早排想買一件, 但成千幾蚊又唔係好捨得. (見下圖)
咁福袋果款當然冇呢款咁靚啦, 唔係呢件都唔洗賣到咁貴. 福袋果件冇毛毛的.
店員話呢款福袋返得好少, 十個都冇. 為左件褸我就買左個福袋了.
但入面有條短褲. 短褲係我既大敵, 咁耐以黎我都係得1條短褲著到架咋, 其他都唔得, 太細. 哈哈!! 打算放出黎黎?
到check入面條只帶裙, 又出事了. 條帶又係調轉左黎車. 點解佢地D吊帶衫/吊帶裙,
成日都出現呢個問題架? 之前我都中左招2次, 因為買果陣睇唔到,
仲要著左幾次先發現. 囧. 真係唔係好明佢地點去QC, 咁都睇唔到. 囧
我都買左一個袋款. 係花花袋的. 裙係碎花. 上面官網圖有少少錯呀.
呢SET裙個袋係白色的, 唔係碎花. 白色個袋, 真係........條帶好唔得.
碎花果款個袋面好似膠膠地咁, 但點都好過白色果個.
最後帶左佢地返屋企啦, 店員好細心幫我入左sogo袋, 咁就唔洗拉花個碌了. 嘿嘿.
我要返個D透明膠袋, 其實好有用架!! 喼唔會成日用,
我會用返個大膠袋入住包好先放起佢, 咁會襟D,
我所有liz lisa手袋都會用返D透明袋入住先放起佢架. 咁就唔怕會變黃整污糟了.
我的Wardrobe Diary
都會在我的fanpage上發放.
我的Blogspot
我的微博
http://weibo.com/misshxlizlisa
我的DIY手作專頁 - Babydoll Handmade
http://www.facebook.com/BabydollHandmade
我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
No comments:
Post a Comment