但知道今年會有一個10點既福袋, 就開始留意了,
直到官網發圖, 覺得呢個福袋實在太吸引喇.
已經鎖定目標. 但冇諗過自己會差少少買唔到.
當日我去CWB既SOGO, 估唔到已經係最後一個了.
我大約10點45分去到. 只係營業45分鐘就售罄!!
超厲害!! 遲一步都冇!!! 因為當店員話幫我hold住,
我再慢慢睇其他福袋既時候, 聽到身後有人問呢個福袋,
但都沒有了. 真係好險呀!!!
店員話, 當日8點幾已經有人係下面排隊,
一夠鐘開門, D人就跑上去買, 好瘋狂啊~
睇黎我出年要7點鐘去到了. 哈哈!!
因為店員話好多客都買唔到呀!!!
大家先看看個喼,
本身第一眼.....覺得好大陸feel好老土.
最初以為我國強大的老翻集團生產.
點知原來呢個係堅野. 囧!!
官網話呢個就係2500...救命.....
到而家呢一刻我都係覺得佢好老土!!
雖然呢個喼係老土D.
同埋個喼面既造工有少少唔得.
(個面既膠紙做得唔好)
但其實呢個喼有個機關架!!!
係其他喼冇既....秘密就係呢度!!!!
係個喼既側面有個密碼鎖架.
不過我會信唔過呢個機關,
我會係出面再加多把鎖, 會隱陣D....
不過睇過D影片, 話搵原子筆就可以整開個拉鏈,
就咁打開個喼啦, 所以乜鎖都冇用....囧....
不過呢個喼...入面仲有機關架...登登登...登!!!!!!!
入面有橡筋帶可以固定入面既物品. 抵讚!!
當打開個喼果陣. 見到入面都放滿了心愛的Liz Lisa.
好想大叫出來!!! 太震撼了!!!!!!!!!!!!!!!!!!!!!!!!!!!!!!!!
最吸引到我既就係呢件碎花大褸, 毛毛領可以拆出黎架,
胸前仲有3個蝴蝶結!! 超可愛!! 勁鐘意呀!!!
娃娃洋裝One Piece又係超可愛, 碎花加入了藍色.
整體顏色變得和諧左. 好喜歡!!
毛毛短身外套. 呢件都靚, 不過衫身如果長返少少就好.
今年D外套衫入面既裡布都係碎花啊~
一件毛毛長袖襯衣. 前面睇就好普通,
但背後就有個大蝴蝶結!! 呢款衫襯什麼都會好看!!
另一件長袖襯衣. 覺得呢件適易出面加上吊帶裙呢~
福袋通常出現既物品 - 內搭小可愛. 真係有好多件了.
不過都唔怕, 因為都係當底衫咁著. 多一兩件都唔怕...
碎花蕾絲短裙. 呢條唔錯啊. 顏色好春天, 充滿朝氣!!
格仔裙褲. 冬天必備格仔物品.
今年每個福袋都有一塊毛毯, 呢個亦都唔例外.
不過呢條係玫瑰花, 比普通喼既靚(我覺得)
但又係唔知要黎做乜.......
最後就係Liz Lisa小熊了. 聽店員講. 話小熊有2款,
一款就係碎花, 一款就係英文字. 而我既就係碎花.
我反而想睇下英文字係點既樣呢...
好啦, 而家到試身圖啦. 又到我呢個大肥婆試身啦!!
首先試下件碎花大褸先!!
再試下件one piece, 兩件都好鐘意呀!!
加上短褸, 好似真係短左D..... >.<
蝴蝶結襯衣加上碎花裙, 前面和後面.
另一件長袖襯衣加裙褲. (唉....好肥呀!!! 冇眼睇.)
呢件我著比較貼身, 睇黎都係出面加吊帶裙會好D喇....
大家覺得呢個福袋如何呀??
我個人就好鐘意喇....嘿嘿....
打呢篇野打左我個幾鐘,
下一篇Liz Lisa既Blog會介紹我新購入既蕾絲one piece!!
大家記得支持下呀!!! YEAH!!!
我的Wardrobe Diary
都會在我的fanpage上發放.
我的Blogspot
我的微博
http://weibo.com/misshxlizlisa
我的DIY手作專頁 - Babydoll Handmade
http://www.facebook.com/BabydollHandmade
我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
No comments:
Post a Comment