今年d福袋乜都係膠, 好唔鐘意, 今年呢個除左可愛在3個大蝴蝶結之外,
都唔及舊年果個咁靚咁華麗. 不過我覺得我影得呢張相好靚呀, 哈哈哈哈!!
(自己讚自己添!)
今年個liz lisa鐵牌都唔同舊年果個!
買呢個福袋既原因係因為件褸. 4款喼款, 得呢款件褸係唔同,
又咁岩我一直想要件咁既類型既褸. 所以順理成章地要左呢款喼了.
聽店員講呢款喼係4個返得最少既一個, 十個都冇.
第二件吸引到我既就係呢條one piece啦, 絲絨質地, 我冇乜呢d,
凍天著絲絨裙好似好高貴咁, 不過絲絨靜電又好勁. 哈哈哈!!
但真係好靚. 店員都話呢件one piece好正呀!!! 我都好鐘意!!
百搭冷衫一件. 好鐘意呢類衫, 因為襯乜都好睇, 牛仔裙又得, lace裙又得, 乜都得, 正!!!
唔岩著短褲一條, 唉... 灰!! 其實真係好靚. 可惜我屁股太大. 著唔到.
好唔開心呢個福袋有條褲係度. 唉!!! 誠意出讓呢條短褲, 有意請私留.
今年個個喼都有條毛毯, 感覺上好搵丁!! 因為一條咁既野又當1點架喇!!
連2500果個都有一條, 而家有2條, 如果再多一條,
可以聯埋一條當被"襟" 哈哈哈哈!!!!
好啦, 而家輪到試身上. 肥人著上係差少少, 請見諒.
影開就有d想拎返買落既liz lisa全部著上身咁樣影一次. 哈哈哈哈!!
白色羊咩咩褸. 覺得呢種褸好似羊咩咩. 終於擁有一件咁既款既褸, yeah!!
雖然同上次我話想要果張差少少, 因為冇毛毛, 不過已經好滿足.
試穿絲絨裙, 裡面冇襯衫既, 都OK既, 不過冬天唔會咁著了.
分享多一張照片, 係我昨天既衣著配搭. 我係入面加左之前買既長裙毛毛邊襯衫.
效果都幾好, 自己都幾滿意.
襯衫. 其實一字膊拉低d, 個膊位會好睇d, 但係再拉低, 個衫袖就會好長了. 而家拉低少少, 個袖都遮住我隻手了.....
好啦, 下篇就會係2500出場啦, 大家密切留意.....
後記:
之前又話d喼款福袋有6點, 但我數黎數去都係得5點. 我見到d日本妹既blog又真係有6點喎!!!! 點解會咁既?!?!?! 黎到HK抽起左1點?!?!?!?! 同一款喼, 點解日本妹多一件, 點解我地少左件....
我的Wardrobe Diary
都會在我的fanpage上發放.
我的Blogspot
我的微博
http://weibo.com/misshxlizlisa
我的DIY手作專頁 - Babydoll Handmade
http://www.facebook.com/BabydollHandmade
我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
No comments:
Post a Comment