最近睇中左2條one piece, 諗左好耐買唔買好. 因為本身覺得貴, 自從加完價,
貴上加貴. 但真係好鐘意呢. 見遲下出double pay, 加上美麗華位店員好nice. 於是我就試一試了. 兩件我都非常喜歡.
白色底, 碎花布有少少黃色點綴, 我好喜歡呢. 蝴蝶結可以拆出黎既.
官網個蝴蝶結係放係後面. 但係我覺得放係前面可愛D喎~
雖然個款好似普通左D. 但係著左上身覺得件衫好卡娃兒呢!!
呢條裙終於夠長喇, 之前好多裙都係好短. 一郁就見到pat pat. 呢條真係好喜歡呀!!
另一條蕾絲裙. 都係之前係cwb就見到, 我最記得係1月1日買福袋果陣見到佢.
店員仲叫我試下. 但果日個心都係D福袋度, 加上天氣凍, 著咁得多左又唔想除, 好煩.
所以冇試到. 今次試開, 就試埋佢.
最尾試埋粉紅同啡色, 店員極力反對我要啡色. 因為個啡色好老. 哈哈!!
粉紅色好似cute左D. 不過就冇左果種歐洲風味. 白色就好似成熟D,
諗唔到要粉紅好定白色好. 但本身我就係鐘意呢件既白色. 最尾店員幫我撰左白色,
因為我實在撰唔到要咩色好. 哈哈哈!!
我好鐘意呢條裙既設計. 特別係裙腳, 係覆蓋咁. 再加上側邊有一個可拆式既蝴蝶結.
好有歐洲風味, 近呢一年Liz Lisa都喜歡法國風既設計. 可愛又成熟. 大愛!!
不過呢條裙個領口好大同好低, 出街著果陣一定要加返件內搭小可愛喇.
唔係D死人咸濕佬又打雀咁既眼望住個胸啦....
大家覺得呢兩條one piece點呢?
不過我都會繼續留意Liz Lisa既最新消息. 大家繼續交流心得啦!!
我的Wardrobe Diary
都會在我的fanpage上發放.
我的Blogspot
我的微博
http://weibo.com/misshxlizlisa
我的DIY手作專頁 - Babydoll Handmade
http://www.facebook.com/BabydollHandmade
我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
No comments:
Post a Comment