Miss H's Blog: 無聊地mix & match

Saturday, March 26, 2011

無聊地mix & match

星期六放左工, 下午就去左shopping, 返到屋企一陣都仲係好早, 一於搵D野玩下.
今日買左兩個袋, 一於要黎mix & match一下. 今次都係我第一次mix & match呀,
唔知好唔好睇呢?

(左起)
帽係唔幾得幾時係淘寶淘返黎既, 由於超大頂, 冇帶過出街, 一直都係放係屋企個櫃頂上.
今次就要黎配襯一下.

上衣同裙褲都係liz lisa, 上衣係今年春裝, 裙褲係岩岩過左既冬裝.

花花復古袋購自accessorizes. 其實間野都幾貴. 同mukai差唔多,
不過佢D accessories好復古, mukai就較卡娃兒. 呢個花花袋,
我第一眼見到佢就俾佢迷住喇. 本來睇完走左, 點知都係返轉頭帶佢返屋企.
可以手挽, 可以側咩同鈄咩. 個人覺得手挽比較好看.

對boots係jelly beans, 真係超好著, 超舒服, 著成日一D都唔痛. 事關我可是天生咬腳人啊!!

(中間)
全部都係liz lisa呢! 帽同埋one piece之前介紹過了. 花花涼鞋同手挽袋係新購的.
其實對鞋係早排買架啦. 影左相一直都懶得post! 而個手袋就係今天get的.
早前係web catalogue見到覺得好特別都諗住get. 當時見到既係白色.
點知今日俾我見到有粉紅色, 實物比白色可愛十萬倍. 諗都唔洗諗就get左了.
呢個袋都可以側咩同鈄咩, 但鈄咩比較短, 不好看.

(右面)
又係全部都係liz lisa啦~~ 雪紡one piece係我今個春天最愛既一條裙呢,
可惜天氣太古怪, 一係好熱, 一係又好凍, 著既機會比想像中少. 好希望天氣快D暖啦.
我唔想再著住厚dup dup咁出街啦, 好似機械人啊 >.<

頭飾其實係早前get的花花頭cool. 花花藤籃係去年夏天item.

我好鐘意呢個花籃, 都唔係好捨得用. 對boots, 講起就想喊, 俾隻狗咬花左個鞋爭,
嬲爆, 好彩都唔係爛得好勁. 嗚~~~

介紹完了, 大家覺得點呀? 我都係來來去去liz lisa, 好似冇乜新意.

下次試下配襯D非liz lisa既衣飾先. ^+++^