Miss H's Blog: 久違了的smoky eyes

Wednesday, March 16, 2011

久違了的smoky eyes

從愛上Liz Lisa之後, 已由Gothic/Rock/Punk轉做甜美公主打扮.
以前每天都會化的smoky eyes, 換上了大眼妝, 都有數年了.
呢幾日突然掛住smoky eyes既打扮, 好想化返以前既smoky eyes.
兩者打扮我都十分喜愛. 但兩者既打扮都分別很大!!
我都唔記得smoky eyes係點化, 只係諗返起以前上化妝堂學過既, 自己再試一試.

我個人最喜愛bobbi brown既化妝品. d色夠出, 易上色唔易甩, 十分好用.
佢地d專用化妝掃更加一流. 今次我就用左bronze同埋navy色.
一個係舊包裝, 一個係新包裝呢. 嘿嘿!!!

先搽bronze, 再搽navy, 一路推開咁搽, 我重複做左三次.

再用eyeliner gel, 呢隻eyeliner真係超好用, 呢隻色係caviar ink.
係之前chocolate limited set果個. 以前用開全黑色. 但呢隻色都夠黑, 唔錯呀!!

化完出黎, 個效果好似怪怪的. 唔同以前化咁, 唔知咩原因.
朋友話可能冇搽eye cream. 我就覺得唔關事囉, 因為以前都冇搽. 冇研究咁多添.
算啦, 我會再慢慢試下.

今次更畫左下眼線, 平時我根本就唔會畫下眼線, 覺得隻眼好假. XDDD
不過琴日我著左liz lisa花裙, 襯呢個eyes make up, 太古怪了!!!!!!!!
我要搵返以前d衫出黎, 但好似都掉得7788,
因為我而家d衫85%都係liz lisa...................囧