Miss H's Blog: Liz Lisa洋裝 x 2 GET!!

Friday, March 25, 2011

Liz Lisa洋裝 x 2 GET!!

相信大家都好想知我除左頂帽, 仲買左d乜野呢!

其實果日我都唔打算買野. 諗住去睇下條花花頸鏈返左未, 點知又未返喎.
唔知關唔關地震事呢?

當問緊店員關於條花花頸鏈果陣. 見到cashier前面個display公仔著住左呢件,
真係超級靚!!!!!! *心心眼* 呢條結以都有著過架. 真係結以著過果d都特別靚既. 嘿嘿!!!

呢件有3隻色, 白, 粉紅, 卡其.

不過我去果陣白色已經賣哂. 都冇所謂啦, 我太多白色了,
加上display公仔身上果件係粉紅色, 我就試粉紅色同卡其色.
不過最尾都係撰左粉紅色. 以下係實物圖同埋試身圖.

腰間有條腰帶可以綁蝴蝶, 綁前又得, 後又得, 唔綁都得, 一條裙有唔同變化啊!!

另一件就係店員介紹既蕾絲洋裝. 之前係官網見過, 覺得好似都幾短.
不過橫掂都係, 試埋佢啦. 好看啊~~~

呢款又係有三隻色, 白, 粉紅同米色.

每次撰顏色都幾困難, 因為好多時每隻色都好喜歡. 我選左米色,

因為個設計同埋個面料配色都幾特出, 好有宮廷feel.

白色同粉紅色反而冇呢個效果呢~

而家出街都慣左俾人望了. 出街冇人望反而唔慣. 哈哈哈!!

有時D人會用善意目光, 可以接受! 有D人有奇異眼光望,

我覺得自己係怪獸囉. 最近係街發覺有好多女人都係用非善意目光,

仲要係好惡咁啤住我. 唔知咩事呢? 如果係覺得我樣衰, 大可以唔望我,

如果覺得我靚, 你都可以咁靚架!! 唔扮點會靚,

有幾多人真係可以頭又唔梳妝都唔化都可以天仙咁靚? 我都好想見識下.

有朋友同我講我D衫好特別. 係我眼中我又唔覺得有乜咁特別,

只係一條普通既連身裙. 可能花花布既衫會俾人覺得係誇張?!
咁果D賴屎褲?! 唔誇張嗎? 褲浪去到膝頭哥喎~ 哈哈哈!!
點解人地日本人既衣著可以當係一種藝術同文化. 香港人又咁buy,
但係HK地, 有人著得靚d又俾人啤. 試過係地鐵見到有2個男仔作J-punk打扮,
D人係咁望, 真係當人怪獸. 到出地鐵D人仲彈開哂, 真係好似當人有毒咁.
但我自己覺得呢兩個男仔打扮得好型. 同埋最佩服佢地, 真係可以唔理所有人既眼光,
自己鐘意咁打扮, 就咁打扮, 勁LIKE!!!!!!
因為我自己唔得, 人地望我望得過份我會啤返人. 哈哈哈哈!!!
所以如有blog友係街見到我認得我既話, 不妨可以同我say hi,
千祈唔好係咁牛咁眼望住我, 唔係我一定會啤返你地架.
哈哈哈哈哈哈哈哈哈哈!!!!!!!!!!!!!!!!!!!!