Miss H's Blog: 我的手機

Friday, July 17, 2009

我的手機

其實一向對於貼到d野花碌碌我冇乜興趣同心機搞. 係就係好靚好想要,
不過真係唔識點去貼. 直至有一日俾我發現到一set set既hello kitty閃石. 真係超靚呀!
我諗左個幾兩個星期買唔買, 因為都幾貴, 差唔多成200蚊一盒. 最尾都係敵不過心頭好,
去買左盒返黎貼. 貼完之後, 我d朋友個個都話好靚, 我自己都覺得個手機靚左好多呢~

琴日行街果陣, 我拎住個電話, 因為等阿媽打俾我去食飯, 咁就拎住冇放落袋,

一路睇緊飾物果陣, 有2個女人走埋黎我度, 佢問我個hello kitty頭係邊度買.

我話係一set咁買架. 佢地就問我, d蝴蝶果d係唔係都跟埋? 我話係呀!

之後佢問我呢set要幾多錢, 我就話差唔多要200蚊, 佢地就大叫話好貴之後就走左啦.

其實200蚊我又覺得ok. 出去俾人貼可能唔止呢個價, 何況而家自己貼, 獨一無二,

人人都讚靚, 好有滿足感呢~