這個星期起每日都有無聊人係我地blog鬧我地. 我本身既朋友都有睇我blog,
之不過佢地好少留言, 佢地都問我, "你係咪得罪人呀?" 好老實講....我冇... 但點解會燒埋黎我度呢? 回想去細個果陣, 網上一有呢d, 我就會同人鬧交一翻!!
如果係小時候既我見到呢d乜扒物扒, 我一定會豪不客氣問候佢屋企人....
但係人大了, 心境都變了. 我覺如果鬧返佢真係好無謂. 呢個只不過係一個網上世界.
呢個無聊人既目的只係想我地個個都唔開心. 為左一個虛擬世界, 係度鬧黎鬧去. 搞到自己唔開心, 完全係無謂. 所以佢次次係度鬧. 我轉頭就delete. 何必同佢一般見識.
當然. 每晚見到d咁既野係會唔開心. 佢話我肥, 我接受, 我的確係肥. 話我姣, 我不能接受,
識我既朋友一定知我性格. 我真係第一次俾人話我姣. 真係好笑. 話我咁肥咁扒仲好意思show時裝? 冇人叫佢睇, 佢可以唔睇. show乜都唔關佢事啦.
話我成日著短裙扮可愛? 哈!! 呢樣野我就覺得幾自豪, 難得連佢都覺得我係可愛!
自問我咁既年紀仲可以著短裙, 扮可愛? 試問佢到左我呢個年紀...佢可以嗎? 哈哈!! (笑了)
所以同呢d人對罵真係size氣. 係唔係扒, 人地有眼睇既.....唔係佢講乜就係囉~
公道自在人心. 所以我都懶理佢. 見一個delete一個入埋黑名單檢舉埋佢. 過多幾日完全冇人理佢. 佢自然就會覺得無癮唔玩啦~~ 因為冇人理佢囉!!
不過我都要多謝佢一聲, 唔係佢係度搞搞陣, 我諗我都冇可能識到一班咁靚既靚女.
仲要大家都係咁鐘意扮靚同鐘意liz lisa! 唔理佢係白兔定熊貓, 我真係要多謝你....我的Wardrobe Diary
都會在我的fanpage上發放.
我的Blogspot
我的微博
http://weibo.com/misshxlizlisa
我的DIY手作專頁 - Babydoll Handmade
http://www.facebook.com/BabydollHandmade
我的寶貝英國老虎狗喪B的專頁
http://www.facebook.com/pages/%E5%96%AAB/212848058746512
No comments:
Post a Comment